ទម្លាប់៥យ៉ាង ធ្វើពេលព្រឹកនាំមកនូវភាពស្រស់ស្រាយ
ជារៀងរាល់ព្រឹកក្រោយពេលអ្នកបើកភ្នែកឡើង តើអ្នកដឹងទេថា រាល់កាយវិការទាំងអស់នឹងជះឥទ្ធិពលដល់សុខភាពពេញមួយថ្ងៃ? ខាងក្រោមនេះជាទម្លាប់ល្អបំផុត 5យ៉ាងដែលអ្នកគួរធ្វើឱ្យបានរាល់ថ្ងៃបន្ទាប់ពីភ្ញាក់ពីគេង៖
1. ក្រោកយឺតៗ
បើអ្នកបើកភ្នែកឡើងងើបអង្គុយភ្លាម សម្ពាធឈាមនឹងផ្លាស់ប្តូរធ្វើឱ្យឈឺក្បាល វិលមុខ។ ហេតុនេះបន្ទាប់ពីបើកភ្នែកភ្លាម អ្នកគួរនៅគេងធ្វើចលនាបន្តិចរយៈពេល 5នាទីមុននឹងក្រោកអង្គុយ។
បើអ្នកមិនអាចបើកភ្នែកបាន ធ្វើខ្លួនឱ្យត្រង់បែរទៅស្តាំទៅឆ្វេងដើម្បីដាស់សាច់ដុំ។ យកដៃអ្នកឱបក្បាលជង្គង់មកផ្អឹបនឹងដើមទ្រូងរយៈពេល 10វិនាទី។ ដកដង្ហើមតាមមាត់រយៈពេល 5វិនាទី។
2. ផឹកទឹក 1កែវ
បន្ទាប់ពីគេងពេញមួយយប់ រាងកាយបានដំណើរការបញ្ចេញចោល រំលាយអាហារដោយគ្មានទឹក ដូចនេះវានឹងខ្វះជាតិទឹកច្រើន។ ផឹកទឹកមួយកែវនឹងល្អបំផុតនៅពេលនេះ។ ទឹកជួយសម្អាតក្រពះក្រោយពេលគេងអស់មួយយប់។ មិនតែប៉ុណ្ណោះ ញ៉ាំទឹកពេលក្រោកពីគេងក៏ជួយឱ្យស្បែកស្អាតភ្លឺថ្លាម៉ត់រលោង គ្មានជ្រីវជ្រួញ។
3. ចូលបន្ទប់ទឹក
ទម្លាប់នោមជារៀងរាល់ព្រឹកពេលភ្ញាក់ពីគេងល្អចំពោះសុខភាពបំផុត វាជួយកម្ចាត់ជាតិពុល ធ្វើឱ្យអារម្មណ៍ល្អក្នុងថ្ងៃថ្មី។
4. លាងសម្អាតមុខឱ្យស្អាត
ពេលភ្ញាក់ពីគេង មុខអ្នកនឹងសម្បូរជាតិខ្លាញ់ ក្តៅ កាកសំណល់ និងកោសិកាស្បែកងាប់ ដូច្នេះអ្នកត្រូវលាងសម្អាតមុខឱ្យបានស្អាតជាមួយនឹងទឹកថ្នមៗ។
5. ងូតទឹក
ងូតទឹកពេលព្រឹកជួយសម្រួលដល់ចរាចរណ៍ឈាម បង្កើតអារម្មណ៍ស្រស់ស្រាយត្រជាក់ចិត្តពេញមួយថ្ងៃ។ លើសពីនេះទៀត មុនងូតទឹកអ្នកគួរធ្វើចលនារាងកាយ (ច្រៀង ហាត់ប្រាណ…) ក៏ជួយឱ្យឈាមដើរស្រួលផងដែរ៕
ប្រភព៖
#ស្លាបប៉ាកកាជីវិត
0.000 SRY