មានជីវិតដោយប្រុងប្រយ័ត្ន

១-ជីវិតខ្លួនវាផ្ទាល់គឺជាគ្រូបង្រៀនរបស់អ្នក ដែលអ្នកដាច់ខាតត្រូវតែរៀនពីវា ។  ២-ជីវិតគឺខ្លីណាស់ ! កុំទៅស្ត្រេសជាមួយមនុស្សដែលមិនស័ក្តិសមនឹងអ្នករើសយកវាមកគិតធ្វើអី ដើរចេញដោយញញឹមគឺ ចប់។ ៣- ជីវិតមានពីរបែបគឺ មានគោលដៅ១ និងគ្មានគោលដៅ១ ជីវិតដែលគ្មានគោលដៅ គឺជាជីវិតដែលប្រព្រឹត្តិតែអំពើអាក្រក់ តាំងពីថ្ងៃកើតទៅទល់ថ្ងៃស្លាប់។ ជីវិតដែលមានគោលដៅ មានពីរបែបគឺ លោកិយជីវិត១ និងលោកុត្តរជីវិត១ ហើយដែលបានទៅដល់គោលដៅ១ និងមិនបានទៅដល់គោលដៅ១ ។ កុំបោះបង់ចោលគោលដៅឲ្យសោះ ! ការចាប់ផ្តើមតែងតែមានការលំបាកជាមុន ធ្វើតាមគំនិតខ្លួនឯង ហើយចូរប្រុងប្រយ័ត្នពីអ្វីដែលអ្នកដទៃបានប្រាប់ឲ្យធ្វើ ព្រោះចុងបញ្ចប់គឺអ្នកទេដែលត្រូវរស់នៅជាមួយនឹងការសម្រេចចិត្តរបស់ខ្លួនឯង មិនមែនជាអ្នកដទៃឡើយ ! ។