ព.ស.ហ.ស.និងឥតគិតថ្លៃចំពោះសិស្សជាប់បាក់ឌុប មកបន្តយកបរិញ្ញាប័ត្រគ្រប់ទាំង៤ឆ្នាំ

បេសកកម្មថ្ងៃនេះព្រះឧត្តមប្រីយ៍ជា អន ធាងអាន ព្រះសាកលវិទ្យាធិការនៃពុទ្ធិកសាកលវិទ្យាល័យ សម្តេចអគ្គមហាសេនាបតីតេជោ ហ៑ុន សែន បាន ដឹកនាំមន្ត្រីចុះធ្វើបទបង្ហាញដល់អាជ្ញាធរមូលដ្ឋាន ទូទាំងស្រុកជើងព្រៃ ក្នុងសាលាស្រុក ជើងព្រៃ ស្តីអំពីគោលការណ៍អាហារូបករណ៍១០០% ។ ដោយមានការអញ្ជើញចូលរួមពីសំណាក់លោក អូត ឈាងលី អភិបាលនៃគណអភិបាលស្រុក មន្ត្រីការិយាល័យ លោកមេឃុំ និងលោកមេភូមិ ដើម្បីគាត់បានយកទៅផ្សព្វផ្សាយបន្តដល់ប្រជា ពលរដ្ឋក្នុងមូលដ្ឋានរបស់ខ្លួន ក្នុងន័យផ្តល់ឱកាស ដល់សិស្សានុសិស្សដែលបានប្រឡងជាប់បាក់ឌុប គ្រប់សម័យកាលបានមកបន្តការសិក្សានៅ ព.ស.ហ.ស. ថ្នាក់បរិញ្ញាបត្ររយៈពេល៤ឆ្នាំដោយឥតបង់ថ្លៃ។ ដើម្បីបានធនធានមនុស្សដ៏ល្អសម្រាប់រួមចំណែក ក្នុងការអភិវឌ្ឍប្រទេសជាតិរបស់យើងឱ្យរិទ្ធតែមាន ការរីកចម្រើនដូចបណ្តាប្រទេសក្នុងតំបន់។ ដោយមហាចារ សន្តិបាលោ សំសារ៉ូន