អត្ថរសរបស់ចិត្តទាំង១៨ ដែលគួរតែស្វែងយល់

១. ជីវិតក្នុងពិភពអន្តរកប្ប មិនយុត្តិធម៌រហូតទេ វាអាចមានរឿងអាក្រក់ៗច្រើនតែកើតឡើងលើមនុស្សល្អ ព្រោះមនុស្សល្អមានភាពទៀងត្រង់មិនមានល្បិចកល។ ២. ក្ដីសុខសំខាន់ជាងភាពត្រឹមត្រូវ ព្រោះជីវិតដែលប្រកាន់តែភាពត្រឹមត្រូវគ្រប់ពេល គឺពិបាករកក្ដីសុខណាស់ ។ ៣. ការឈ្នះ មិនមែនថាគ្រប់យ៉ាងសុទ្ធតែមានសម្រាប់ជីវិតនោះទេ មិនថាការឡើងតំណែង ការមានលុយកាន់តែច្រើន ការឈ្នះពានរង្វាន់ផ្សេងៗ ឬបានចំនួនvote លើ SRY ច្រើនក៏ដោយ។ ៤. ពេលវេលាមិនអាចព្យាបាលការឈឺចាប់បានទាំងអស់នោះទេ។ ពេលខ្លះយើងក៏ត្រូវអត់ទ្រាំជាមួយការឈឺចាប់ណាមួយអស់មួយជីវិតដែរ ខ្ញុំនៅតែយល់ថា ការចេះអត់ធន់ ការតាំងចិត្តបំភ្លេចចោល នៅតែសំខាន់សម្រាប់ជីវិតដដែល។ ៥. ស្នេហាគឺជាចំណោទ សន្តិភាពគឺជាចម្លើយ ហើយស្នេហាមិនមែនជាសង្គ្រាមនោះទេ។ ៦. ការពិត គឺជាមូលដ្ឋាននៃស្នេហា និងភាពស្ងប់ ។ ៧. អ្នកណាៗក៏ចេះខឹងដែរ ពេលខ្លះអ្នកមិនសូវខឹង អាចខឹងខ្លាំងជាងគេទៀតផង បើមិនមានសតិតាមឃុំគ្រងចិត្តទេនោះ ។ ៨. ចូរស្មោះត្រង់ជាមួយខ្លួនឯង។ ការបង្ខំចិត្តធ្វើ គឺមិនមែនជាដំណោះស្រាយក្នុងរយៈពេលវែងនោះឡើយ។ ![Screenshot_2018-12-25-21-06-23.png](https://serey.io/imageupload_data/c9102b7832155fa84baadc5bdcc153c2e961c510) ៩. ការរៀនសូត្រពីវិធីសម្រាក(សមាធិ)គឺសំខាន់ខ្លាំងណាស់។ ការបង្ហាត់ខ្លួនឯងឲ្យចេះសម្រាកខ្លះក៏ជាសិល្បៈមួយដែលត្រូវតែមាន។ ១០. អ្នកគួរទទួលខុសត្រូវនូវអ្វីដែលខ្លួនធ្វើ នោះគុណភាពជីវិតទាំងមូលគឺអាស្រ័យលើអ្នក ជីវិតដែលគ្មានការទទួលខុសត្រូវគឺមិនកើតទេ។ ១១. អ្នកគ្មានថ្ងៃអាចគ្រប់គ្រងស្ថានការណ៍ខាងក្រៅ គ្រប់គ្រងបុគ្គល ឬអ្វីផ្សេងៗបាន ១០០%នោះទេ ប៉ុន្តែអ្នកអាចគ្រប់គ្រងការគិតរបស់ខ្លួនឯងចំពោះស្ថានការណ៍ ឬអ្វីផ្សេងៗបាន ១០០%។ ១២. បញ្ហាភាគច្រើនរបស់មនុស្សយើងកើតចេញពីនិស្ស័យពីកំណើត និងរឿងរ៉ាវក្នុងខួរក្បាលដែលយើងបង្កើតឡើងដោយខ្លួនឯងផង។ ១៣. ការប្រកាន់ខ្លួនឯងខ្លាំងពេកប្រៀបដូចជាការប្រើកម្លាំងហួសហេតុ ម្ង៉ៃៗ ខ្លាចតែគេមើលងាយនិងខ្លាចពាក្យថាខុស ។ ១៤. ទំនាក់ទំនងស្នេហាដែលរឹងមាំអាស្រ័យលើការយល់ដឹងពីអត្ថន័យរបស់វានិងការតស៊ូព្យាយាមថែរក្សាវា ដែលអាចទទួលដឹងបានទាំងផ្លូវកាយ និងផ្លូវចិត្ត។ ១៥. អ្នកណាៗក៏មានទុក្ខដែរ សូមកុំគិតថាអ្នកមានទុក្ខតែឯងអី ការកើតគឺជាកំណើតរបស់ទុក្ខសុទ្ធសាធ មានរូបមានទុក្ខជាធម្មតាទេ ជីវិតគឺជាសមរភូមិនៃអាតូម ។ ១៦. ការស្ដាប់ គឺជាកូនសោសំខាន់នៃការប្រាស្រ័យទាក់ទងដែលមានប្រសិទ្ធភាព ដូច្នេះចូរនិយាយឲ្យបានតិចជាងស្ដាប់។ ១៧. ភាពកតញ្ញូនឹងធ្វើឲ្យអ្នកមានថាមពល និងក្ដីសុខកាន់តែច្រើន។ ១៨. ផ្ដល់អាទិភាពឲ្យរឿងសប្បាយៗខ្លះ នឹងធ្វើឲ្យអ្នកមានកម្លាំងជំរុញទឹកចិត្ត។ រកឱកាសធ្វើដំណើរផ្សងព្រេងទៅកន្លែងដែលខ្លួនមិនធ្លាប់បានទៅឲ្យបានយ៉ាងហោចមួយដងក្នុងមួយឆ្នាំ ដើម្បីមានការយល់ដឹងពិភពខាងក្រៅខ្លះផង៕ ![Screenshot_2018-12-25-21-06-40.png](https://serey.io/imageupload_data/63ffd65282a2cd9fc59310f9fde4078ffff41c66)

អត្ថរសរបស់ចិត្តទាំង១៨ ដែលគួរតែស្វែងយល់

Comments