Toyota ប្រកាសចេញលក់​រថយន្ត​ក្រុង​ដើរ​ដោយ​ថាមពល​អ៊ីដ្រូហ្សែន​

ក្រុមហ៊ុន Toyota បាន​ប្រកាស​ពី​ការ​ចេញ​លក់​រថយន្ត​ក្រុង​ប្រភេទ​ថ្មី ដែល​ដើរ​ដោយ​ចំហេះ​អ៊ីដ្រូហ្សែន ដែល​មាន​ឈ្មោះ​ថា Sora ជា​ពាក្យ​កាត់​នៃ Sky (ផ្ទៃមេឃ), Ocean (មហាសមុទ្រ), River (ទន្លេ) និង Air (ខ្យល់)។ http://media.sabay.com/media/sabay-news/Technology-News/International/News108/20180328_02_07_s_large.jpg Toyota រំពឹង​ថា​ Sora នឹង​ត្រូវ​លក់​ចេញ​ប្រហែល​ជា ១០០ គ្រឿង​ ហើយ​នឹង​ត្រូវ​ប្រើប្រាស់​នៅ​ក្នុង​ទីប្រជុំជន​ក្រុង តូក្យូ​តែ​ម្ដង​។ រថយន្ត​ក្រុង​ថ្មី​នេះ ក៏​សម្រាប់​បង្ហាញ​ខ្លួន​ក្នុង​កីឡា អូឡាំពិក និង​ប៉ារ៉ាឡាំពិក នា​ទីក្រុង​ តូក្យូ ក្នុង​ឆ្នាំ ២០២០ ផង​ដែរ។ រថយន្ត​នេះ​ដំណើរ​ការ​ដោយ​បច្ចេកវិទ្យា Fuel Cell ដែល​វា​ទាញ​យក​អគ្គិសនី​ពី​ប្រតិកម្ម​គីមី របស់​អ៊ីដ្រូហ្សែន និង​អុកស៊ីហ្សែន ដែល​នឹង​ត្រូវ​ផ្ទុក​ក្នុង​អាគុយ។ ដូច្នេះ​រថយន្ត​ក្រុង​នេះ មិន​មាន​ការ​បញ្ចេញ​ឧស្ម័ន​ពុល​សោះ​តែ​ម្ដង ដោយ​សារ​តែ​ប្រតិកម្ម​រវាង​ អ៊ីដ្រូហ្សែន និង​អុកស៊ីហ្សែន ឬ​ដែល​យើង​ហៅ​ថា​ចំហេះ​អ៊ីដ្រូហ្សែន​នោះ ផ្ដល់​ផល​តែ​មួយ​ប៉ុណ្ណោះ​គឺ​ទឹក (H2 + O2 = H2O) ។ http://media.sabay.com/media/sabay-news/Technology-News/International/News108/20180328_02_01_s_large.jpg រថយន្ត​នេះ​គ្មាន​ម៉ូទ័រ​សម្រាប់​ទាញ​កង់​ទាំង​ ៤ ទេ​គឺ​ដំណើរ​ការ​ផ្ទាល់​ពី​ថាមពល​អគ្គិសនី​ចេញ​មក​ពី​អាគុយ​តែម្ដង។ ដោយ​ហេតុ​នេះ​ហើយ​គេ​ក៏​អាច​ប្រើ​រថយន្ត​ក្រុង នេះ​ជា​ថ្ម​ផ្ទុក​អគ្គិសនី​ដ៏​ធំ​មួយ ដែល​អាច​ផ្គត់​ផ្គង់​ជា​ភ្លើង​អគ្គិសនី​ដល់​ឧបករណ៍​ដទៃ​ទៀត​បាន​នៅ​ពេល​ដែល​មាន​គ្រោះ​ធម្មជាតិ​ណា​មួយ​កើត​ឡើង​ហើយ​កាត់​ផ្ដាច់​ចរន្ត​អគ្គិសនី​នោះ។ http://media.sabay.com/media/sabay-news/Technology-News/International/News108/20180328_02_09_s_large.jpg បើ​និយាយ​ពី​ការ​រចនា​វិញ Sora ជា​រថយន្ត​ក្រុង​ដំបូង​គេ​បង្អស់ ដែល​មាន​កៅអី​ និង​កន្លែង​ដាក់​ដៃ​នឹង​បត់​ឡើង​ទៅ​លើ​ដោយ​ស្វ័យ​ប្រវត្តិ នៅ​ពេល​ដែល​គ្មាន​អ្នក​ជិះ​ ដែល​ផ្ដល់​ទីតាំង​ទូលាយ​ជាង​មុន សម្រាប់​ជន​ពិការ និង​ឪពុក​ម្ដាយ​ដែល​រុញ​រទេះ​កូន។ បើ​និយាយ​ពី​ផ្នែក​សុវត្ថិភាព​វិញ Sora មាន​កាមេរ៉ា​ចាប់​យក​សកម្មភាព​ពី​គ្រប់​ជ្រុង​ចំនួន ៨ ដែល​បង្ការ​កុំ​ឲ្យ​មាន​ការ​ប៉ះ​ពារ​ដល់​អ្នក​ដំណើរ​នានា ពេល​ចាក​ចេញ​ពី​ចំណត។ http://media.sabay.com/media/sabay-news/Technology-News/International/News108/20180328_02_10_large.jpg http://media.sabay.com/media/sabay-news/Technology-News/International/News108/20180328_02_11_s_large.jpg បច្ចេកវិទ្យា​ពិសេស​មួយ​ទៀត​គឺ​ឡាន​ក្រុង​នេះ​មាន​ការ​គ្រប់​គ្រង​ល្បឿន​ពេល​ចេញ​ពី​ចំណត​ម្ដង​ៗ ដោយ​បង្ការ​ពី​ការ​ជាន់​មួយ​ទំហឹង​របស់​អ្នក​បើកបរ ហើយ​នឹង​បញ្ឈប់​ខ្លួន​ឯង​ភ្លាមៗ​បើ​មាន​អ្នក​ដំណើរ​នៅ​ជុំ​វិញ​រថយន្ត។ ម៉្យាង​ទៀត ដោយ​ហេតុ​ថា​រថយន្ត​ក្រុង​នេះ​មិន​ប្រើ​ម៉ូទ័រ​អគ្គិសនី​នោះ ល្បឿន​របស់​វា​ងាយ​បញ្ឈប់​ណាស់​ដោយ​គ្រាន់​តែ​ផ្ដាច់​ចរន្ត​ចេញ​ពី​កង់ និង​ប្រើ​ហ្រ្វាំង​តែ​ប៉ុណ្ណោះ។ http://media.sabay.com/media/sabay-news/Technology-News/International/News108/toyota_new_bus_large.png ចង់​ដឹង​ថា Sora មាន​រូប​រាង​ស្រស់​ស្អាត​ប៉ុនណា សូម​មើល​រូបភាព​ខាង​ក្រោម​ជាមួយ Sabay ទាំង​អស់​គ្នា៖ http://media.sabay.com/media/sabay-news/Technology-News/International/News108/20180328_02_07_s_large.jpg http://media.sabay.com/media/sabay-news/Technology-News/International/News108/20180328_02_02_s_large.jpg http://media.sabay.com/media/sabay-news/Technology-News/International/News108/20180328_02_04_s_large.jpg http://media.sabay.com/media/sabay-news/Technology-News/International/News108/20180328_02_08_s_large.jpg http://media.sabay.com/media/sabay-news/Technology-News/International/News108/20180328_02_05_s_large.jpg http://media.sabay.com/media/sabay-news/Technology-News/International/News108/20180328_02_06_s_large.jpg