ថ្មីៗកន្លងទៅនេះមានក្រុមហ៊ុនមួយឈ្មោះ Vice Asia បានបង្ហោះរូបភាពកែច្នៃជនរងគ្រោះនៅគុកទួលស្លែង មកថែមពណ៌ធម្មជាតិ និងកែទឹកមុខជនរងគ្រោះជាទឹកមុខញញឹមវិញធ្វើដោយអ្នកបច្ចេកឈ្មោះ Matt Loughrey។ ការបញ្ចេញរូបនេះបានធ្វើឱ្យជនបរទេសដែលចូលមើលផេកមួយនេះថ្កោលទោសអ្នករៀបចំស្ទើរតែគ្រប់គ្នា ។ ក្នុងនាមខ្ញុំជាពលរដ្ឋខ្មែរមួយរូបដែលឆ្លងកាត់របបវាលពិឃាតមួយនេះ យល់ឃើញថាការធ្វើរបៀបនេះគឺជាការបំប្លែងព្រឹត្តិការណ៍ប្រវត្តិសាស្រ្ត បើត្រឹមដាក់ពណ៌ធម្មជាតិយើងអាចទទួលយកបាន ប៉ុន្តែការកែទឹកមុខជនរងគ្រោះពីទឹកមុខភ័យខ្លាចមកជាញញឹមដាក់កាមេរ៉ា វាជាការមើលងាយដួងវិញ្ញាណក្ខ័ន្ធពួកគាត់ដែលស្លាប់ដោយអយុត្តិធម៌។ 
តើពួកគាត់អាចញញឹមចេញទេចំពោះសេចក្តីស្លាប់ដោយគ្មានកំហុស។