#សូមរៀនរស់ក្នុងទម្រង់ដែលធ្វើឱ្យយើងមានសុភមង្គល
ក្នុងបទបង្ហាញស្តីពី "ជីវិតនិងសុភមង្គលគ្រួសារ "មានបុគ្គលជាច្រើនតែងប្រាប់គេឯងថា ពេញមួយជីវិតនេះ ខ្លួនហាក់គ្មានសុភមង្គលទាល់តែសោះ
ខណៈពួកគេកំពុងតែរស់លើគំនរមាសប្រាក់ ទ្រព្យសម្បត្តិ និងមានអ្វីៗគ្រប់បែបយ៉ាង។
ដើមហេតុដែលបណ្ដាលឱ្យបុគ្គលទាំងនេះចេះតែខ្វះសេចក្ដីសុខនិងសុភមង្គលក្នុងសង្គមគ្រួសារ គឺដោយសារពួកគេពុំបានកំណត់ទិសដៅសុភមង្គលជីវិតឱ្យបានត្រឹមត្រូវ ពិសេសពួកគាត់ពុំយល់ពីអត្ថន័យនៃសុភមង្គលក៏អាចថាបាន។
បើយើងពិចារណាមែនទែនទៅ នៅលើផែនដីយើងនេះ គ្មាននរណាម្នាក់ទទួលបានសុខសុភមង្គលពេញមួយជីវិតនោះទេ ហើយក៏គ្មាននរណាម្នាក់ជួបតែសេចក្ដីទុក្ខវេទនាពេញមួយជីវិតដែរ សំខាន់តើយើងដឹងថាខ្លួនឯងកំពុងតែរស់ក្នុងពិភពនៃសុភមង្គលឬអត់ ហើយដោយសារតែមិន បានកំណត់ព្រំដែននៃសុខសុភមង្គលផ្ទាល់ខ្លួនឱ្យបានច្បាស់លាស់នេះហើយ ទើបបានជាមានមនុស្សមួយចំនួនតែងតែប្រាថ្នានេះ ប្រាថ្នានោះ មិនចេះចប់។
ដូច្នេះដើម្បីឱ្យជីវិតរស់នៅប្រកបដោយសេចក្ដីសុខ សេរីភាព និងសុភមង្គលពេញលេញ គឺអាស្រ័យលើខ្លួនយើងផ្ទាល់ជាអ្នកជ្រើសរើស។ បើយើងមានតម្រូវការលើសពីអ្វីដែលខ្លួនអាចធ្វើបាន ឬមិនស្កប់ស្កល់នឹងអ្វីដែលខ្លួនកំពុងមាន នោះជីវិតយើងនឹងរស់ឱបក្រសោបតែទុក្ខពេញមួយជីវិត។ ប៉ុន្តែបើយើងចេះស្កប់ស្កល់ ឬពេញ ចិត្តនឹងអ្វីដែលខ្លួនកំពុងតែមាន នោះជីវិតយើងនឹងពោរពេញទៅដោយសេរីភាពនិងសុភមង្គល៕
818.887 SRY