ស្វែងយល់នៅវត្តរាជនិវេសនដ្ឋានស្រី-សឈរ ហៅវត្តសុីធរ ស្ថិតក្នុងឃុំសុីធរ ស្រុកខ្សាច់កណ្តាល ខេត្តកណ្តាល ជាទីដែលព្រះបាទព្រះបរមរាជា ពញា យ៉ាត (១៤៣១–១៤៦៣) បានជ្រើសរើសតាំងជារាជធានីឈ្មោះ “ទួលបាសាន” ជាលើកដំបូង ក្រោយពេលចាកចេញពីក្រុងអង្គរក្នុងឆ្នាំ ១៤៣២។ តាំងរាជធានីនៅទីនេះបាន១ឆ្នាំ ព្រះបាទពញា យ៉ាត បានប្តូររាជធានីទៅចតុម្មុខ (ភ្នំពេញបច្ចុប្បន្ន) វិញ ដោយសារទីកន្លែងនេះត្រូវទឹកលិចនារដូវវស្សា។ ចំណេរកាលក្រោយមក មានព្រះមហាក្សត្រខ្មែរជាបន្តបន្ទាប់ធ្លាប់បានតាំងទីកន្លែងនេះជារាជវាំង រួមទាំងព្រះបាទស្រីសុគន្ធបទ (១៥០៤-១៥១២) ផង មុនពេលត្រូវហ្លួងព្រះស្តេចកនធ្វើគត។
(ថ្ងៃសៅរ៍ ទី១៥ ខែឧសភា ព.ស.២៥៦៥/គ.ស.២០២១)