ខ្ញុំក្រ
ខ្ញុំក្រ ខ្ញុំដឹង ខ្ញុំប្រឹង ខ្ញុំមាន
ខ្ញុំខ្សោយ ខ្ញុំហ៊ាន ខ្ញុំរៀន ខ្ញុំយល់
ខ្ញុំយឺត ខ្ញុំដើរ ខ្ញុំធ្វើ ខ្ញុំដល់
ខ្ញុំល្ងង់ ខ្ញុំឆ្ងល់ ខ្ញុំស្គាល់ ខ្ញុំខំ ។
ខ្ញុំខ្លាច ខ្ញុំខ្លាំង ខ្ញុំតាំង ខ្ញុំត
ខ្ញុំខ្មៅ ខ្ញុំស ខ្ញុំល្អ ខ្ញុំហំ
ខ្ញុំទាប ខ្ញុំចាប់ ខ្ញុំស្ដាប់ ខ្ញុំផ្សំ
ខ្ញុំខិត ខ្ញុំខំ ខ្ញុំឃើញ ខ្ញុំភ្លឺ ។
ពាក្យថាមាន ឬក្រ
ពាក្យថា មានឬក្រ គឺជាពាក្យដែលអ្នកយកលុយជាខ្នាតរង្វាស់មកនិយាយប៉ុណ្ណោះ ។ សម្រាប់យើងមិនប្រើពាក្យថា ក្រ ទេកូន គ្រាន់តែកូនដកដង្ហើមចេញចូលបានមួយដងគឺកូនជាអ្នកមានហើយ កូនមានជីវិត កូនមានសង្ឃឹម និងមានទឹកចិត្តដ៏ល្អសម្រាប់ជួយដល់មនុស្សក្បែរខ្លួនកូននោះ គឺកូនជាអ្នកមាន មុនពេលគេមកវាស់វែងភាពមានក្ររបស់កូនទៅទៀត ។ មានឬក្រគឺយើងខ្លួនឯងកំណត់បានខ្លួនឯង មិនចាំបាច់សួរឬត្រូវការខ្នាតរង្វាស់អីនោះទេ ។ មិនមែនមនុស្សដែលមានលុយច្រើនសុទ្ធតែជាអ្នកមានទេកូន.
50.992 SRY