Anwar រំពឹងថា​នឹង​ស្នង​តំណែង​នាយករដ្ឋមន្ត្រី​ជំនួស​មហា​ធៀ​ក្នុង​ឆ្នាំ ២០២០

 រូបភាព (AFP) ដោយ: ធៀន ភា​រិន្ទ​​តាមរយៈ​កិច្ច​សម្ភាស​ជាមួយ​ជាមួយ​ទូរ​ស្សន៍ Bloomberg កាលពី​ថ្ងៃទី​១៨ ខែកញ្ញា លោក Anwar Imbrahim រំពឹងថា គាត់​នឹង​ជំនួស​តំណែង​នាយករដ្ឋមន្ត្រី​ម៉ាឡេស៊ី​នៅ​ពាក់កណ្តាល​ឆ្នាំក្រោយ​។ វា​មានការ​ព្រមព្រៀងគ្នា​ច្បាស់​ថា​វា​គួរតែ​ជា​រយៈ​ពេលនោះ ប៉ុន្តែ​ខ្ញុំ​មិន​គិតថា ខ្ញុំ​គួរតែ​ចាំ​ខែ​ច្បាស់លាស់​នោះទេ​។ នេះ​បើតាម​នូវ​អ្វីដែល​ប្រមុខ​ដឹកនាំ​បក្ស​យុត្តិធម៌​របស់​ប្រជាជន លោក Anwar Imbrahim បាន​សម្ភាសន៍​ជាមួយ​ទូរទស្សន៍​សារព័ត៌មាន​សេដ្ឋកិច្ច​។ យ៉ាងណាមិញ​លោក Anwar ក៏​បញ្ជាក់​ផងដែរ​ថា ការព្រមព្រៀង​មួយ​នេះ គឺ​លោក​មហា​ធៀ​ព្រមព្រៀង​ថា នឹង​លាលែង​ពី​តំណែង ហើយ​លោក​ជា​អ្នក​ចូលកាន់​តំណែង​ជំនួស​។​ ​ជាការ​ពិត​កិច្ចព្រមព្រៀង​រវាង​លោក​មហា​ធៀ និង Anwar គឺ​ត្រូវ​ផុតកំណត់​នៅក្នុង​ខែឧសភា ឆ្នាំ​២០២០ បន្ទាប់​គណបក្ស​ជនជាតិដើម​រួបរួម​ម៉ាឡេស៊ី​បានឈ្នះ​ឆ្នោត​កាលពី​ឆ្នាំ ២០១៨​។ កាលពីមុន​បោះឆ្នោត​គណបក្ស​យុត្តិធម៌​របស់​ប្រជាជន ធ្វើ​សម្ពន្ធភាព​ជាមួយ​បក្ស Pakatan Harapan របស់លោក​មហា​ធៀ ក្នុង​គោលបំណង​ប្រកួតប្រជែង​ជាមួយនឹង​អតីត​បក្ស​កាន់អំណាច​រួបរួម​ជាតិ​ម៉ា​ឡេ​។​ ​ការរួបរួម​រវាង​គ​ណ​បក្ស​ពីរ​នេះ គឺ​ភ្ជាប់​ជាមួយនឹង​លក្ខខណ្ឌ​ឲ្យ​លោក​មហា​ធៀ​កាន់តំណែង​ជា​នាយករដ្ឋមន្ត្រី​ពីរ​ឆ្នាំ ហើយ​លោក​Anwar​នឹងត្រូវ​កាន់តំណែង​ជំនួស​។ ក្នុង​រយៈពេល​នោះ លោក​Anwar Imbrahim កំពុង​ជាប់ចោទ​ពីបទ​ការរួម​សង្វាស​ជាមួយ​ភេទ​ដូចគ្នា តែ​លោក​ច្រានចោល​ថា វា​ជា​រឿង​នយោបាយ​របស់​រដ្ឋាភិបាល​។​ ​យ៉ាងណាក៏ដោយ លោកនាយក​រដ្ឋមន្ត្រី​ម៉ាឡេស៊ី​វ័យ​៩៤ បាន​ហៅ​ខ្លួនឯង​ថា​ជា នាយករដ្ឋមន្ត្រី​កាន់តំណែង​មួយរយៈ​ពេល ហើយ​លោក​តែងតែ​និយាយ​ដដែល​ថា គាត់​នឹង​ប្រគល់​តំណែង​ឲ្យ​Anwar​តាម​ការសន្យា បើទោះបីជា​គាត់​មិនបាន​បញ្ជាក់​ពីថ្ងៃ​ផុតកំណត់​ក៏ដោយ​។ ប៉ុន្តែ​មានមតិ​ខ្លះ​បានស្នើ​ឲ្យ​គាត់​កាន់តំណែង​ពេញ​មួយ​អាណត្តិ​រហូតដល់​ឆ្នាំ​២០១៣​។​ ​សូមបញ្ជាក់ថា កាលពី​ឆ្នាំ​២០១៨ គណបក្ស​ជនជាតិដើម​រួបរួម​ម៉ាឡេស៊ី បាន​យកឈ្នះ​លើ​អតីត​បក្ស​កាន់អំណាច ដោយសារតែ​រឿង​អា​សូវ​មូលនិធិ​ម៉ាឡេស៊ី 1MDB៕ "ខ្លឹមសារនេះត្រូវបានបោះពុម្ពផ្សាយជាផ្លូវការដោយមានភាពជាដៃគូរវាងសេរីនិងថ្មីៗ" https://www.thmeythmey.com/?page=detail&id=83010