«បូបូ» ពង្រឹងយុទ្ធនាការប្រឆាំងការបៀតបៀនផ្លូវភេទ បន្ទាប់ពីបានមកកាន់កម្ពុជា

![front__bobo.jpg](https://serey.io/imageupload_data/5f8d0599f38f821d434e11a8aecf7a52eef46105) អន្តរជាតិZoe Tay ឬ «បូបូ» ពង្រឹងយុទ្ធនាការប្រឆាំងការបៀតបៀនផ្លូវភេទ បន្ទាប់ពីបានមកកាន់កម្ពុជា 03, Jul 2019 , 8:59 am Share on twitterShare on google_plusone_shareMore Sharing Services រូបភាព ដោយ: ធីតា តារាភាពយន្តសិង្ហបុរី Zoe Tay រំពឹងថា យុទ្ធនាការប្រឆាំងការបៀតបៀនផ្លូវភេទ នឹងពង្រឹងសិទ្ធិអំណាចស្ត្រី និងឲ្យពួកគេហ៊ាននិយាយ។ ថ្លែងក្នុងពិធីដែលរៀបចំដោយសាកលវិទ្យាល័យជាតិសិង្ហបុរី (NUS) កាលពីពេលថ្មីៗកន្លងមក សិល្បការិនី ដែលពលរដ្ឋខ្មែរស្គាល់ឈ្មោះថា «បូបូ» នោះ អះអាងថា នាងចូលរួមកាន់តែខ្លាំងក្លាក្នុងយុទ្ធនាការ «You Can Say No» ក្រោយពីបានធ្វើដំណើរទស្សនកិច្ចមកកាន់កម្ពុជាកាលពីប្រមាណ៥ឆ្នាំមុន។ កាលនៅជាសិស្សសាលា Zoe Tay ឬ បូបូ ធ្លាប់រងការព្យាយាមបៀតបៀនពីសំណាក់បុរសម្នាក់នៅពេលជិះរថយន្ត។ «ខ្ញុំស្ថិតនៅលើរថយន្តជាមួយមនុស្សផ្សេងទៀត ហើយបុរសម្នាក់បានឈរនៅកៀកខ្ញុំបំផុត។ គេចាប់ដៃខ្ញុំ ហើយពេលនោះ ខ្ញុំមានអារម្មណ៍ថា ពិបាក និងមិនស្រណុកចិត្តនោះឡើយ»។ នេះបើតាមការរៀបរាប់របស់ បូបូ ដែលត្រូវបានដកស្រង់ដោយ សារព័ត៌មាន The New Paper។ ![np_20190627_lgzoe27fo41_4936400.jpg](https://serey.io/imageupload_data/545561fcc3fd22a04dc3695c123fe11101f6597e) បូបូ ដែលបច្ចុប្បន្នវ័យ៥១ឆ្នាំ បានផ្តួចផ្តើមយុទ្ធនាការ You Can Say No ឲ្យហ៊ានតស៊ូរប្រឆាំងការរំលោភ ការបៀតបៀនផ្លូវភេទ និងអំពើហិង្សាក្នុងគ្រួសារ។ នាងត្រូវសម្ភាសពាក់ព័ន្ធយុទ្ធនាការនេះ ក្រោមការសាកសួររបស់តារាភាពយន្ត Guo Liang ជាមួយវត្តមានតារាភាពយន្ត Bonnie Loo និងសមាជិកក្រុមប្រឹក្សាភិបាលអង្គការក្រុមប្រឹក្សាស្ត្រីសិង្ហបុរី Cheryl Chong។ បូបូ បានស្តាប់ការរៀបរាប់ជាច្រើនរបស់អ្នកចូលរួម ដែលធ្លាប់មានប្រវត្តិប្រហាក់ប្រហែលនាងផងដែរ។ នាងទទួលស្គាល់ថា កន្លងមកនាងមិនសូវយកចិត្តទុកលើយុទ្ធនាការបែបនេះឡើយ ប៉ុន្តែក្រោយដំណើរទស្សនកិច្ចនៅកម្ពុជា កាលពីប្រមាណ៥ឆ្នាំមុន ធ្វើឲ្យកាន់តែយល់ច្បាស់ពីឥទ្ធិពលរបស់ស្ត្រីក្នុងការតស៊ូមតិ។ នាអំឡុងពេលបំពេញបេសកកម្មសប្បុរសធម៌នៅមណ្ឌលស្ត្រីមួយកន្លែងនៅកម្ពុជា តារាសម្តែងនាង បូបូ បានស្តាប់រឿងរ៉ាវជីវិតជនរងគ្រោះមួយចំនួន ដោយអ្នកខ្លះ មានជំងឺបាក់ទឹកចិត្ត និងធុញថប់ ហេតុដូច្នេះហើយបានជាកាន់តែយល់ច្បាស់ពីតួនាទីរបស់ខ្លួនក្នុងការជួយដល់ស្ត្រី និងកុមារដែលមានវិបត្តិ។ តាមរយៈយុទ្ធនាការ You Can Say No បូបូ ឬ Tay ក៏បានបង្កើតក្លិបជួបជុំគ្នា ដើម្បីបំផុសបំផុលចលនាគាំទ្រស្ត្រីក្នុងការប្រយុទ្ធប្រឆាំងអំពើហិង្សារាល់ទម្រង់ ជាពិសេសការពង្រឹងសិទ្ធិអំណាចរបស់ពួកគេ ដោយគ្មានការភ័យខ្លាចអ្វីទាំងអស់៕ "ខ្លឹមសារនេះត្រូវបានបោះពុម្ពផ្សាយជាផ្លូវការដោយមានភាពជាដៃគូរវាងសេរីនិងថ្មីៗ" www.thmeythmey.com/?page=detail&id=80031

«​បូ​បូ​» ពង្រឹង​យុទ្ធនា​ការប្រឆាំង​ការ​បៀតបៀន​ផ្លូវភេទ បន្ទាប់ពី​បានមក​កាន់​កម្ពុជា​

Comments

«បូបូ» ពង្រឹងយុទ្ធនាការប្រឆាំងការបៀតបៀនផ្លូវភេទ បន្ទាប់ពីបានមកកាន់កម្ពុជា