ធនាគារជាតិ ប្រកាសមិនឲ្យពលរដ្ឋខ្ចីប្រាក់ពីការឃោសនាតាមសារទូរសព្ទឡើយ
ធនាគារជាតិនៃកម្ពុជា (NBC) បានប្រកាសឲ្យពលរដ្ឋ ប្រុងប្រយ័ត្នចំពោះ សេវាកម្ចីក្រៅផ្លូវការ។ នេះបើតាមសេចក្ដីប្រកាសព័ត៌មានរបស់ធនាគារជាតិ នៅថ្ងៃទី៣ខែតុលានេះ។
http://den-sharing.com/wp-content/uploads/2018/06/Picture6-31.jpg
ធនាគារជាតិ បានឲ្យដឹងថា នាពេលថ្មីៗនេះ មានការផ្ញើសារទាក់ទងក្នុងប្រព័ន្ធទូរសព្ទ ដោយឃោសនាផ្ដល់ប្រាក់កម្ចីរហ័ស មិនចាំបាច់មានឯកសារ ឬទ្រព្យបញ្ចាំ។ ធនាគារជាតិ បញ្ជាក់ថា សកម្មភាពនេះ ជាអំពើខុសច្បាប់ស្ដីពីគ្រឹះស្ថានធនាគារ និងហិរញ្ញវត្ថុ ដោយក្រុមហ៊ុន ឬបុគ្គលនោះ គ្មានការអនុញ្ញាតឲ្យផ្ដល់សេវាប្រាក់កម្ចី ពីធនាគារជាតិឡើយ។
ឧទាហរណ៍សម្រាប់សារដែលផ្ញើមកhttp://den-sharing.com/wp-content/uploads/2018/10/Picture12-2.jpg
«សូមសាធារណជនជ្រាបជាព័ត៌មាន និងប្រុងប្រយ័ត្ន ដើម្បីចៀសវាងការប្រើប្រាស់សេវាកម្ចីក្រៅផ្លូវការ ដែលអាចប្រឈមនឹងការចាញ់បោក ល្បិចកលរបស់ឈ្មួញចងការប្រាក់ និងហានិភ័យផ្សេងៗជាយថាហេតុ»។ នេះបើតាមសេចក្ដីប្រកាសព័ត៌មានដដែលនេះ៕
ដកស្រង់ដោយ៖ លោក ប៊ុត ហេង
ប្រភព៖ thmeythmey
0.000 SRY