ការបាក់ទឹកចិត្ត និងការលើកទឹកចិត្

 សួស្តីមិត្តសេរីទាំងអស់គ្នា ថ្ងៃនេះខ្ញុំសូមលើកនិយាយពីការបាក់ទឹកចិត្ត និងការលើកទឹកចិត្ត ដែលជាបទពិសោធន៌នូវអ្វីដែលខ្ញុំបានជួបកន្លងមក​។ ១)​ ការបាក់ទឹកចិត្តដែលកើតឡើងពី៖ » ការសន្យាជាមួយយើង ហើយគេធ្វើអត់បាន គេបំភ្លេចវាចោលឬគេភ្លេចតែម្តង ដែលធ្វើអោយការចងចាំរបស់យើងឥតប្រយោជន៌ ។ » ការសំរេចចិត្តធ្វើអ្វីមួយដែលជាបំណងប្រាថ្នាហើយបរាជ័យ បានទទួលការវាយប្រហារគ្រប់មជ្ឈដ្ឋានដែលនៅជុំ​វិញយើង។ » ការទទួលពីការសិក្សាទាប ឬមិនសូវមានចំណេះដឹងខ្ពស់ ដែលមិនទទួលបានការអោយតំលៃពីអ្នកដទៃ។ » ការផ្តល់នូវគំនិត ឬការផ្តល់នូវមតិយោបល់គិតថាមានប្រយោជន៌ តែគេច្រានចោលគ្រប់ពេល។ » កន្លែងការងារដែលពោរពេញទៅដោយ ​ការឈ្នានីស វ៉ៃអែបសុីអប ដណ្តើមតំណែងគ្នាគ្មានទីបញ្ចប់។ » ... ២)​ ការលើកទឹកចិត្តដែលកើតឡើងពី៖ » ការផ្តល់កំលាំងចិត្តដ៏ធំពីអ្នកម្តាយជាទីស្រលាញ់ » ការប្រឹក្សាយោបល់ពីមិត្តភក្តិ » ​ការអានអត្ថបទពាក្យពេជ្រល្អតាមរយៈបណ្តាញសង្គម » ​ការមើលវីដេអូរ Youtube » ​ការបិទរូបភាព និង សរសេរពាក្យពេជ្រដែលអាចមើលហើយផ្តល់កំលាំងចិត្តអោយខ្លួនឯង (ស៊ូឡើងកុំរាថយ យូរយ៉ាងណាក៏រង់ចាំអាន ពីតូចកូនដួលកូនងើបឈរខ្លួនឯងបានហេតុអីពេលនេះកូនងើបមិនបាន សំលាញ់តោងដៃខ្ញុំមកមិនយូរទេយើងនឹងទៅដល់ហើយ កូនតាព្រហ្មយំហើយសើចអស់សំណើចយំទៀត...) » ​កូនតូចៗក៏ជាកំលាំងចិត្តសំខាន់ដែរ ព្រោះកូនអាចផ្តល់នូវស្នាមញញឹម សួរសុខទុក នាំយើងទៅរកភាពជាកុមារភាពដែលអាចបំបាត់ទុក្ខកង្វល់បាន » ​ការលំហែតាមធម្មជាតិ ឬការរស់នៅតាមបែបជនបទ ព្រៃភ្នំមួយរយៈ » ជាពិសេសគឺបទពិសោធន៌អ្នកដែលបាក់ទឹកចិត្ត ហើយគាត់ទទួលបានជោគជ័យមកវិញ។ សំរាប់រូបភាពខាងក្រោមនេះតើអ្នកទាំងអស់គ្នាស្ថិតនៅចំនុចណាដែរ?  អរគុណសំរាប់ការអានអត្ថបទមួយនេះដល់ចប់ ខុសឆ្គងត្រង់ចំនុចណាសូមមិត្តសេរីទាំងអស់ជួយណែនាំផង។ ពីខ្ញុំបាទ សុខលាង