ផែនការជីវិត
ម្ហូបឆ្ងាញ់ដោយសារគ្រឿង ជីវិតរុងរឿង ក៏ដោយសារមានផែនការជីវិតច្បាស់លាស់ ។
ផែនការជីវិត ប្រៀបដូចជាផែនទីបង្ហាញផ្លូវនាំយើងឲ្យទៅដល់កន្លែងដែលយើងប្រាថ្នាចង់ទៅដល់ ទោះបីពេលខ្លះ ប្រើពេលវេលាយូរយ៉ាងណា ក៏យើងមិនវង្វេងបានដែរ ។ នេះហើយជាគុណសម្បត្តិរបស់ផែនការជីវិត វាពិតជាសំខាន់ សម្រាប់ដឹកនាំយើងឲ្យធ្វើដំណើរទៅមុខជានិច្ច ។
បើគ្មានផែនការជីវិតច្បាស់លាស់ យើងប្រាកដជារស់នៅវល់វិលវង្វេង វាងចុះវាងឡើង វិលត្រលប់ទៅរកផ្លូវចាស់ដដែលវិញហើយ ។
កុំតូចចិត្ត បើយើងកើតក្នុងគ្រួសារក្រលំបាក ព្រោះភាពលំបាក វាជារឿងល្អដែលឲ្យយើងមានគ្រឿងផ្សំជីវិតពិសេសៗជាច្រើន ដែលមនុស្សមួយចំនួនពុំមានដូចយើងឡើយ ហើយវាក៏ជាអ្វីដែលជួយបន្ថែមគុណភាពឲ្យជីវិតយើងនេះដែរ ។
បើយើងចេះយកបទពិសោធន៍ទាំងអស់នោះ មកផ្សំគ្នាជាមួយបច្ចុប្បន្នភាព យើងនឹង មានប្រៀបលើអ្នកដទៃបានហើយ ។ សំខាន់ឲ្យតែយើងចេះរៀបចំផែនការជីវិតឲ្យបានច្បាស់លាស់ ជាក់លាក់ ជឿជាក់លើសមត្ថភាពខ្លួនឯង យើងនឹង មានក្តីសង្ឃឹម ។ ហើយក្តីសង្ឃឹម នឹង រុញយើងឲ្យចាប់ផ្តើមសាជាថ្មី ជាមួយអ្វីដែលយើងស្រលាញ់ចូលចិត្តចង់ធ្វើវា ។
182.563 SRY