បើករថយន្តងោកមួយភាំងបុករបាំងថ្មចែកទ្រូងផ្លូវបាក់៣កង់

ភ្នំពេញ៖ បុរសវ័យចំណាស់ម្នាក់បើករថយន្តបាឡែនមួយគ្រឿងងោកមួយភាំងបណ្តាលឲ្យរេចង្កូតទៅបុករបាំងថ្មចែកទ្រូងផ្លូវបាក់អស់៣កង់រថយន្តដាក់កាឡែកង់ខាងមុខទៅលេងរួចសំណាងល្អមិនបង្កឲ្យមានអ្នកណារងរបួស។ ហេតុការណ៍នេះកើតឡើងកាលពីវេលាម៉ោង៣-២០នាទីទៀបភ្លឺឈនចូលថ្ងៃទី២១ខែមិថុនាឆ្នាំ២០១៨ស្ថិតនៅខាងជើងស្ពានអាកាសស្ទឹងមានជ័យ តាមបណ្តោយផ្លូវ២៧១ ក្នុងសង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។  តាមប្រភពព័ត៏មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសវ័យចំណាស់ម្នាក់បើករថយន្តកាមរីបាឡែនមួយគ្រឿងពណ៏ស្កពាក់ស្លាកលេខភ្នំពេញ2AL-6494ធ្វើេំណើរទិសដៅពីជើងទៅត្បូងលុះមកដល់ចំណុចកើតហេតុខាងលើបានងោកមួយភាំងខណះផ្លូវកោងផងនោះបានរេចង្កូតមកឆ្វេងដៃជ្រុលទៅបុករបាំងថ្មចែកទ្រូងផ្លូវបាក់អស់៣កង់ចំណែករថយន្តដាក់កាឡែកង់ខាងមុខខាងឆ្វេងទៅមុខលេងរួច។ ក្រោយកើតហេតុសមត្ថកិច្ចមូលដ្ឋានាបនចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕