មុខម្ហូបពោះវៀនតាន់បំពងខ្ទឹមម្រេច

មុខម្ហូបពោះវៀនតាន់បំពងខ្ទឹមម្រេច --------------- #គ្រឿងផ្សំ ----------------- ១. ពោះវៀនតាន់ ៥ ខាំ ២. ខ្ទឹមសរ បុកអោយបែកតិចៗ ២ ស្លាបព្រាបាយ ៣. ប្រេងខ្យង ១ ១/២ ស្លាបព្រាបាយ ៤. ទឹកត្រី ១ ១/២ ស្លាបព្រាបាយ ៥. ស្កសរ ១ កូនស្លាបព្រា ៦. ម្រេចម៉ត់ ២ កូនស្លាបព្រា ៧. ម្សៅស្រួយ សម្រាប់បំពង ២ ស្លាបព្រាបាយ ៨. អំបិលម៉ត់ ១ ស្លាបព្រាបាយ (ទុកសម្រាប់លាងពោះវៀនតាន់) ៩. ខ្លាញ់សម្រាប់បំពង ---------------------- #របៀបធ្វើ ------------------------ ១. យកពោះវៀនតាន់ជ្រូកទៅច្របាច់ជាមួយ អំបិលសិន ហើយយកទៅលាងទឹកចេញ(ច្របាច់លាងរបៀបនេះអោយគ្រប់ ២ - ៣ ដង ) លាងអោយស្អាត បន្ទាប់មកដាក់ទឹកនឹងឆ្នាំងដាំអោយពុះ រួចយកពោះវៀនតាន់ដែល យើងលាងរួចហើយ យកទៅស្ងោរ ព្រមដាក់អំបិលចូលទៅក្នុងឆ្នាំងផង ហើយស្ងោរប្រហែលរយៈពេល ៣០ - ៤៥នាទី ។ ២. នៅពេលស្ងោរពោះវៀនតាន់រួចហើយ ដួសចេញ ទុកអោយត្រជាក់ បន្ទាប់មកយកទៅហាន់អោយខ្លី ល្មមមួយមាត់ ។ ៣. យកពោះវៀនតាន់ ដាក់ចូលក្នុងចានដែកមួយបន្ទាប់មកនាំ គ្រឿងផ្សំដែលយើងត្រៀមទុកយកមកប្រឡាក់ មានដូចជា # ប្រេងខ្យង ស្កសរ ទឹកត្រី ម្រេចម៉ត់ នឹង ខ្ទឹមសរបុកប្រឡាក់អោយចូលគ្នា ទុកវាប្រហែល ១៥ នាទី ដើម្បីអោយចូលជាតិ (កុំភ្លេចនៅពេល ដែលប្រឡាក់ភ្លក់មើលរសជាតិសិនខ្វះខាតអ្វីយើងថែមថយតាមហ្នឹង )។ ៤. នៅពេលប្រឡាក់គ្រប់នាទីហើយ យកម្សៅស្រួចមកប្រឡាក់ជាមួយ ពោះវៀនតាន់អោយសព្វម្ដងទៀត(ដោយមិនបាច់លាយទឹក )។ ៥. តាំងខ្ទះ ចាក់ខ្លាញ់បើកភ្លើងទុកអោយក្ដៅសិន រួចយកពោះវៀនតាន់ដែលប្រឡាក់ម្សៅ យកទៅបំពង នៅពេលដែលកំពុងបំពង ត្រូវកូរត្រឡប់រឿយៗ។ ចាំសង្គេត ពេលណាឃើញខ្ទឹមដែលអណ្ដែត លឿង អោយដួសមុនសិន ។ ហើយបំពងពោះវៀនតាន់អោយក្រហមស្រួយល្អ ចាត់រៀបដាក់ ចានរោយខ្ទឹមបំពងរួចជាការស្រេច ៕