តម្លៃនៃមនុស្ស

 តម្លៃមនុស្សមានប៉ុន្មានប្រភេទ? តម្លៃមនុស្សមាន​ ៨​ ប្រភេទ៖​ តម្លៃថ្នាក់ទាប៖ ១)​ តម្លៃ​ជីវសាស្ដ្រ (តម្លៃខាងរូបរាង ពណ៌សម្បុរ សាច់​ឈាម កម្លាំង សុខភាព ) ២)​ តម្លៃសេដ្ឋកិច្ច​(តម្លៃខាង​សំភារៈ ទ្រព្យសម្បត្ដិ) ៣)​ តម្លៃ​​អារម្មណ៍​(តម្លៃ​ខាង​សតិស្មារតី ចិត្តសុខ​ស្ងប់) ៤)​ តម្លៃសង្គម(តម្លៃនៃការ​ចូលរួម​ចំណែកនិងតម្លៃទទួល​បាន​ពីសង្គមនូវមុខងារ តួនាទី ភារកិច្ច កាតព្វកិច្ច សិទ្ធិអំណាច សេរីភាព ក្នុងវិស័យនយោ​បាយ, អរិយធម៌, របៀប​រៀប​រយសន្តិសុខ យុត្ដិធម៌ វឌ្ឍន​ធម៌​សង្គម)។ ​ តម្លៃថ្នាក់ខ្ពស់៖ ៥)​ តម្លៃ​បញ្ញា(គំនិតប្រាជ្ញា​ក្នុងការ​ប្រើ​ប្រាស់ចំណេះដឹងទូទៅនិងការសម្រេចចិត្តធ្វើអំពើ​​ សកម្មភាព ដើម្បីដោះ​ស្រាយបញ្ហានានា ដើម្បីឈានទៅដល់​កំរិតពុទ្ធិសច្ចៈ) ៦)​ តម្លៃ​សោភ័ណ​វិជ្ជា​(តម្លៃខាងសិល្បៈតុបតែងច្នៃប្រឌិត និងសោភ័ណភាព) ៧)​ សីលតម្លៃ​(តម្លៃទទួលបានពីការស្គាល់ និង​ ប្រ​តិ​បត្តិ​អំ​ពើល្អ បុណ្យ កុសល) និង ​៨)​ តម្លៃសាសនា​(តម្លៃនៃចិត្ដស្នេហាមោះ​​មុតទៅលើស្មារតីនៃគោលគំនិត ទស្សនៈទ្រឹស្តីអប់រំទូន្មានត្រឹមត្រូវ) ។