តើអ្នកមានក្តីសុបិនទេ?

![Untitled-1-copy-17.jpg](https://serey.io/imageupload_data/1e61a7235d53b1f91e5dccd77bf4aa8ecc5734f5) តាមពិតទៅមនុស្សយើងម្នាក់ៗសុទ្ធតែមានក្តីប្រាថ្នា ក្តីសុបិនក្នុងជីវិតហើយតែងតែចង់សំរេចវាអោយចេញជាលទ្ធផល។ក្នុងចំនោមមនុស្សដែលមានក្តីសុបិនគឺមានមនុស្សតិចណាស់ដែលហ៊ានចាប់ផ្តើមនូវក្តីសុបិនរបស់ខ្លួន។ អ្នកខ្លះបានត្រឹមតែគិតតែមិនហ៊ានដើរ។ ចុុះបើមិនដើរផងធ្វើម៉េចដឹងថាផ្លូវនោះបែបណា? តើអ្នកខ្លាចការចាប់ផ្តើមធ្វើតាមក្តីសុបិនរបស់ខ្លួន? រឺអ្នកខ្លាចការផ្លាស់ប្តូរទៅវិញទេ?តើអ្នកបាន៖ #### 1. ស្មោះត្រង់ជាមួយខ្លួនឯង ៖ #### តើអ្វីដែលអ្នកកំពុងតែរង់ចាំ? រឺមកពីអ្នកមិនទាន់ប្រាកដចិត្តថាអ្នកមានជំនាញអ្វី?ជំនាញនោះមិនគ្រប់គ្រាន់យកទៅអនុវត្ត មែនទេ ? នេះជាបញ្ហាយ៉ាងប្រាកដដែលបង្ហាញថា អ្នកមិនចូលចិត្តការផ្លាស់ប្តូរ ឬនៅចង់នៅប្រើជីវិតដើមរបស់អ្នករហូតក៏ថាបាន ។ ជារឿយៗ រឿងដែលធ្វើឲ្យមនុស្សយើងមិនអាចចាប់ផ្តើមក្តីសុបិនរបស់ខ្លួនបាន គឺការខ្វះកម្លាំងបណ្តាលចិត្ត និងវិន័យ ក្នុងការរុញច្រានអោយមានសន្ទុះ។ ដូចនេះអ្នកត្រូវចាប់ផ្តើមព្រមទទួលការពិតថា តើអ្វីជាឧបសគ្គរវាងអ្នកនិងសុបិនរបស់អ្នក បើមិនចឹងទេ វាក៏គ្មានថ្ងៃក្លាយជាការពិតបានឡើយ ។ #### 2. ខំតាំងចិត្ត ៖ #### មនុស្សភាគច្រើនមានក្តីសុបិន ប៉ុន្តែពួកគេទៅមិនដែលដល់ ព្រោះពួកគេគ្មានជំហរតាំងចិត្តគ្រប់គ្រាន់ថានឹងធ្វើឲ្យសម្រេចក្តីសុបិននោះ ។ បើអ្នកមានក្តីសុបិន គឺត្រូវផ្តោតអារម្មណ៍ ត្រូវមាឆន្ទះ មិនរួញរា ក្នុងការធ្វើរហូតដល់សុបិនក្លាយជាការពិត។ ចូរកុំគិតនូវអ្វីដែលធ្វើឲ្យអ្នកមានចិត្តរួញរា ហើយប្តូរមកវិញនូវការរកនឹកវិធីធ្វើយ៉ាងណាដើម្បីដើរតាមសុបិនឲ្យបានស៊ីជម្រៅ។ កុំចំណាយពេលវេលានៅជាមួយអ្វីដែលមិនមានប្រយោជន៍ពាក់ព័ន្ធនឹងសុបិនរបស់អ្នក ព្រោះពេលវេលាមិនរង់ចាំអ្នកឡើយ។ #### 3. ដាក់ផែនការរៀនសូត្រ និងហ្វឹកហាត់ ៖ #### ជំហានដំបូង អ្នកត្រូវគិតថាអ្នកនឹងត្រូវរៀនសូត្រអ្វីខ្លះដើម្បីឈានទៅរកគោលដៅបានយ៉ាងមានទំនុកចិត្ត និងប្រសិទ្ធភាព?ចូរកំណត់ស្វែងរកជំនាញផ្សេងៗដែលពាក់ពន័្ធនឹងការចង់អភិវឌ្ឍន៍ខ្លួនឯងរបស់អ្នក។ ជំហានបន្ទាប់ គឺចាប់ផ្តើមដាក់ផែនការកំណត់ពេលវេលាសម្រាប់រៀនសូត្រ។ បើអ្នកមិនបានរៀបគំរោងកំណត់ពេលវេលា ឬផ្លូវដើរឲ្យច្បាស់ថា ត្រូវរៀនជំនាញអ្វីឲ្យជោគជ័យនៅពេលណាទេ អ្នកនឹងគ្មានសមត្ថភាព និងថាមពលរុញច្រានគ្រប់គ្រាន់ដើម្បីឈានទៅដល់គោលដៅ។ ហើយត្រូវចាំទុកថា ការរៀនសូត្រជាមូលដ្ឋានគ្រឹះនៃដំណើរឆ្ពោះទៅមុខ និងការអភិវឌ្ឍខ្លួនគ្រប់ផ្នែក ។ #### 4. ចាប់ផ្តើមសាកល្បងពីការធ្វើរឿងតូចៗជារៀងរាល់ថ្ងៃ ៖ #### អ្នកត្រូវចាប់ផ្តើមដើរតាមក្តីសុបិនដ៏ធំធេងដោយការសាកល្បងធ្វើរឿងតូចៗរាល់ថ្ងៃជាប្រចាំព្រោះវាជាវិធីមួយដែលជួយឲ្យអ្នកឈានទៅជិតសុបិននោះជារឿយៗ ។ ជាទូទៅវាគ្មានផ្លូវកាត់ផ្សេងក្រៅពីការអនុវត្តទេ កាន់តែធ្វើ គឺកាន់តែដឹង កាន់តែស្គាល់ កាន់តែជោគជ័យ ។ ហេតុនេះហើយ ចូរធ្វើជាតារាងនូវអ្វីដែលគួរតែធ្វើក្នុងថ្ងៃនីមួយៗ។ កុំមើលរំលងការធ្វើរឿងតូចតាច ព្រោះរឿងតូចៗនេះហើយដែលជំរុញឲ្យអ្នកមានទំនុកចិត្តក្នុងការធ្វើរឿងពិបាកបានទាំងអស់ ។ ក្តីសុបិនរបស់អ្នកមានតម្លៃ និងអត្ថន័យណាស់សំរាប់ជីវិតរបស់អ្នក ដូចនេះហើយសូមឈប់រកលេសយកមកដោះសាខ្លួនដោយពាក្យថាខ្លាច ហើយចាប់ផ្តើមធ្វើនិងដើរតាមសុបិនរបស់អ្នកយ៉ាងច្បាស់លាស់ទាំងកម្លាំងចិត្ត និងកម្លាំងកាយ។ សរុបសេចក្តីមក ចូរឈប់អូសបន្លាយពេលវេលា ហើយរឹុងបឹុងក្លាហានដើរទៅរកសុបិន ដោយមិនព្រមចុះចាញ់ភាពភ័យខ្លាចរបស់ខ្លួនឯង ដើម្បីឲ្យអ្នកមានជីវិតស្រស់ថ្លាទៅតាមអ្វីដែលអ្នកប្រាថ្នាា ៕

តើអ្នកមានក្តីសុបិនទេ?

Comments