🌱ចំការបន្លែតាមដងច្រាំងទន្លេមេគង្គ🌱

http://i63.tinypic.com/692et2.jpg តើអ្នកស្រលាញ់សុខភាពអ្នកដែរទេ? ចង់រស់នៅជាមួយមនុស្សជាទីស្រលាញ់បានយូរអង្វែងទេ? មុនដំបូងគួររៀនស្រលាញ់ខ្លួននិងសុខភាពជាមុនសិន ដោយការធ្វើការហាត់ប្រាណជាប្រចាំនិងញាំរបបអាហារល្អ។រូបភាពនេះគឺខ្ញុំបានថតវាទុកនៅពេលដែលខ្ញុំទៅដើរហាត់ប្រាណជាមួយម៉ាក់ និងអីុរបស់ខ្ញុំ។ http://i66.tinypic.com/s0zh4x.jpg វាជាចំការបន្លែមួយដែលគេធ្វើនៅច្រាំងទន្លេក្បែរភោជនីយ៍ដ្ឋាន ស្មៅទន្លេ ខេត្តកំពង់ចាម។ នៅក្នុងចំការនោះគឺដាំដុះដោយ សណ្តែកបារាំង ស្ពៃខ្មៅ ស្ពៃស្លាបព្រា ស្លឹកខាត់ណា ម្រះ ប៉ុន្តែដោយម្រះ ខាត់ណា និងស្ពៃស្លាបព្រា គេប្រមូលផលអស់ម្តងហើយទើបមិនមានរូបអោយខ្ញុំថតបាន។ http://i67.tinypic.com/20ithxy.jpg បន្លែទាំងអស់នេះត្រូវបានដាំដុះដោយលោកគ្រូខាងកសិកម្មនិងភរិយារបស់គាត់។ បើនិយាយពីសណ្តែកបារាំងរបស់គាត់់វិញ គឺមានរសជាតិផ្អែម និងស្រួយឆ្ងាញ់ណាស់។ គាត់ថា គាត់បានពូជមកពីម៉ាឡេសីុ។ តែអ្វីដែលពិសេសជាងនេះនោះគឺគាត់ដាំដោយប្រើជីធម្មជាតិ ដូចជាលាមកគោ និងទឹកតែប៉ុណ្ណោះ។ http://i63.tinypic.com/2h3y4g5.jpg សណ្តែកបារាំងនៅក្នុងចំការដ៏តូចនេះបានផ្តល់ផលអោយគាត់លក់បានចំនួន 20ទៅ 30គីឡូក្នុងមួយថ្ងៃ ដោយ លក់ក្នុង1គីឡូ 10,000រៀល។ ពេលខ្លះសណ្តែកផ្តល់ផលអោយមួយរ៉ងរហូតដល់ 5kg ទៅ 10kg បើសិនជាមេឃត្រជាក់រឺ ភ្លៀង។ http://i68.tinypic.com/1t32fm.jpg តើអ្នកចង់ញាំទេ?តើអ្នកដឹងទេថាញាំបន្លែបេះពីដើមភ្លាមៗក្នុងរយៈពេលមិនលើសពី3ម៉ោង អ្នកនឹងទទួលបានផលអ្វី? តើចង់មកលេងចំការតូចនេះអត់?តើអ្នកចង់ដឹងពីសារះប្រយោជន៍របស់សណ្តែកបារាំងរឺអត់? http://i66.tinypic.com/2z9ma77.jpg