🌊🌊🌊🌊🌊សមុទ្រ🌊🌊🌊🌊🌊

http://i66.tinypic.com/2m65quf.jpg http://i67.tinypic.com/sqjga9.jpg ថ្ងៃនេះមេឃស្រទុំក្រោយពេលភ្លៀងធ្លាក់ហើយ ធ្វើអោយចិត្តនឹករលឹកដល់សមុទ្រ បើពេលនេះបានឈរនៅសមុទ្រស្រូបយកខ្យល់ដ៏ត្រជាក់ មិនដឹងស្រស់ស្រាយដល់កំរិតណាទេ។ http://i64.tinypic.com/2num648.jpg និយាយពីសមុទ្រធ្វើអោយខ្ញុំនឹកឃើញដល់រឿងនិទានមួយដែលគេយកសមុទ្រប្រៀបធៀបទៅនឹងការយល់ឃើញខុសៗគ្នារបស់មនុស្ស។ http://i67.tinypic.com/zygac0.jpg រឿងនិទាននោះគេដំណាលពីការវាយតំលៃរបស់មនុស្សម្នាក់ៗទៅលើសមុទ្រដោយការសរសេរលើវាលខ្សាច់សមុទ្រដូចតទៅ៖ « សមុទ្រគឺមានក្តីមេត្តា» នេះជាការសរសេរលើឆ្នេរខ្សាច់របស់លោកតាចាស់ម្នាក់ ព្រោះតែសមុទ្រទើបគាត់បានគុថមួយដែលមានតំលៃបំផុត។«សមុទ្រគឺជាអ្នកផ្តល់គ្រប់យ៉ាង» នេះគឺជាការសរសេររបស់អ្នកនេសាទដែលសមុទ្របានផ្តល់ត្រីជាច្រើនសំរាប់គាត់យកទៅលក់ដូរចិញ្ចឹមជីវិត។«សមុទ្រគឺជាឃាតករ» នេះជាការសរសេររបស់ក្រុមគ្រួសារមួយដែលកូនប្រុសគាត់បានលង់ទឹកសមុទ្រស្លាប់បាត់បង់ជីវិត។ «សមុទ្រគឺជាចោរ»នេះជាការសរសេររបស់ក្មេងប្រុសម្នាក់ ព្រោះរលកសមុទ្របានកួចយកស្បែកជើងរបស់គេទៅបាត់។ «សមុទ្រគឺជាចំនែកជីវិត»នេះជាការសរសេររបស់កសិករធ្វើអំបិលម្នាក់ ព្រោះបើសិនជារសជាតិប្រៃនៃអំបិលមិនអាចធ្វើអោយមនុស្សរស់បាននោះ ម្លោះសមនឹងត្រី រួមទាំងសត្វនៅក្នុងសមុទ្រទាំងអស់នឹងស្លាប់ជាមិនខាន។ សរុបមកចូរយើងយកសមុទ្រធ្វើជាគំរូ ព្រោះថាការសរសេរទាំងប៉ុន្មាននឹងត្រូវបានលុបចោលក្រោយពេលរលកសមុទ្របក់បោកមកលើឆ្នេរខ្សាច់ ដូចកំពុងប្រាប់យើងថាកុំយកខ្លួនទៅប្រដូចនឹងអ្វីដែលគេបាននិយាយ កុំយកចិត្តទុកដាក់លើការសរសេររបស់មនុស្សទាំងអស់នោះបើយើងជាសមុទ្រ។ http://i68.tinypic.com/236zw6.jpg ត្រូវចាំថាមនុស្សម្នាក់ៗ មានការគិតមិនដូចគ្នាទេ រឿងរាវជីវិតដែលឆ្លងកាត់មកក៏មិនដូចគ្នាដែរ ដូច្នេះហើយកុំយកចិត្តផ្តិតអារម្មណ៍ជាមួយនឹងរឿងរាវគ្មានបានការកន្លងមក ចាញ់រឺឈ្នះ មានសង្ឃឹមរឺគ្មានសង្ឃឹម សុខរឺទុក្ខ គឺយើងម្នាក់ៗត្រូវទទួលយកការពិតដោយមានសតិនឹងស្មារតីគ្រប់គ្រាន់។ម្យ៉ាងវិញទៀតបើជីវិតយើងម្នាក់ៗកើតមកមានតែក្តីសុខ មិនមានជួបទុក្ខ នោះជីវិតយើងគ្រប់គ្នាមិនមែនចាប់ផ្តើមដោយការស្រែកយំនៅពេលចាប់កំណើតនោះទេ។🌜🌜🌜🌜🌜🌛🌛🌛🌛🌛