សូមទៅពិនិត្យឈ្មោះដើម្បីត្រៀមបោះឆ្នោតនៅថ្ងៃស្អែក ទី២៩​ ខែកក្កដា ឆ្នាំ២០១៨

 តើខ្ញុំត្រូវទៅបោះឆ្នោតនៅការិយាល័យណា? តើធ្វើដូចម្ដេចទើបខ្ញុំដឹងថាមានឈ្មោះនៅក្នុងការិយាយមួយណា? ការបោះឆ្នោតជ្រើសតាំងតំណាងរាស្រ្ដនីតិកាលទី៦ នឹងប្រព្រឹត្ដទៅនៅ ថ្ងៃទី២៩ ខែកក្កដា ឆ្នាំ២០១៨ វេលាម៉ោង ៧៖០០នាទីព្រឹក ដល់ម៉ោង៣៖០០ នាទីរសៀល។ ការទៅបោះឆ្នោតរបស់ប្រជាពលរដ្ឋ គឺពិតជាសំខាន់ណាស់ នៅក្នុងប្រទេសកាន់លទ្ធិប្រជាធិបតេយ្យដូចប្រទេសកម្ពុជា ដែលវាជា កាព្វកិច្ចរបស់ប្រជាពលរដ្ឋត្រូវតែបំពេញ ដើម្បីជ្រើសរើសនូវតំណាង របស់ខ្លួននៅក្នុងរដ្ឋសភា។ ហើយវាក៏ជាការជ្រើសរើសនូវគណបក្ស នយោបាយណាមួយដែលខ្លួនស្រលាញ់ពេញចិត្ដដើម្បីក្លាយទៅ ជារដ្ឋាភិបាលដឹកនាំនាវាកម្ពុជាទៅកាន់ភាពរីកច្រើន និងក្លាយទៅ ជាប្រទេសអភិវឌ្ឈន៍មានសុខសន្ដិភាព។ ដើម្បីងាយស្រួល និងឆាប់រហ័សក្នុងការបោះឆ្នោតនៅថ្ងៃស្អែក សូមបងប្អូនទៅពិនិត្យឈ្មោះរបស់បងប្អូននៅតាមការិយាល័យ បោះឆ្នោតនៅក្នុងឃុំសង្កាត់របស់បងប្អូនជាមុន។ ឈ្មោះរបស់បងប្អូននឹងត្រូវបានបិទនៅមុខការិយាល័យបោះ ឆ្នោតរបស់បងប្អូន នៅពេលឃើញឈ្មោះរបស់បងប្អូននៅ ការិយាល័យណាហើយបងប្អូនអាចបោះឆ្នោតនៅទីនោះបានហើយ ។ ដើម្បីអាចដឹងថាបងប្អូនបោះឆ្នោតនៅការិយាល័យណា សូមបងប្អូនប្រើប្រាស់វិធី២យ៉ាង​ដូចខាងក្រោម៖ ទី១៖ តាមវេបសាយ www.voterlish.org.kh របស់គ.ជ.ប ដូចរូបភាពខាងក្រោមនេះ៖  បងប្អូនមានជម្រើសច្រើនក្នុងការស្វែងរកដូចជា៖ តាមរយៈឈ្មោះ តាមរយៈអត្ដលេខ តាមរយៈអត្ដសញ្ញាណប័ណ្ណ និងតាមរយៈ ឯកសារបញ្ជាក់អត្ដសញ្ញាណ។ បងប្អូនអាចជ្រើសរើសនូវជម្រើស ណាមួយដែលបងប្អូនគិតថាងាយស្រួល។ ឧទាហរណ៍៖ ថាបងប្អូន ស្វែងរកតាមរយៈលេខអត្ដសញ្ញាណប័ណ្ណ។ ពេលវាយលេខ អត្ដសញ្ញាណប័ណ្ណចូលហើយ វានឹងបង្ហាញពីទិន្និន័យ បោះឆ្នោតរបស់បងប្អូនទាំងអស់ដូចរូបខាងក្រោម៖  ទី២៖ តាមរយៈទូរស័ព្ទដៃរបស់បងប្អូន ដោយតាម App របស់ គ.ជ.ប ដែលមាន ឈ្មោះថា Voterlist KH ។ សូមមើលរូបភាពដូចខាងក្រោម៖  ហើយបន្ទាប់មកបងប្អូនអាចស្វែងរកតាមជម្រើសដូចទីមួយដែរ គឺតាមរយៈអត្ដលេខ តាមរយៈអត្ដសញ្ញាណប័ណ្ណ និងតាមរយៈឯកសារបញ្ជាក់អត្ដសញ្ញាណ។ ចុងក្រោយបងប្អូនអាចCall ទៅលេខទូរស័ព្ទ១៨០០២០១៨របស់ គ.ជ.ប ដោយ ឥតគិតថ្លៃដើម្បីសាកសួរពត៌មានបន្ដែម។  រូបភាពនៅការិយាល័យបោះឆ្នោតវត្ដវង្គដ្ឋបូរី សូមអរគុណ! @sereynews