បានដំបូន្មានពីSteve Jobs លុយខ្ចីគេ២០០$ ចាប់អាជីវកម្ម រហូតក្លាយក្រុមហ៊ុនតម្លៃពាន់លាន$
http://i64.tinypic.com/29uo9jd.jpg
ការប្រកបមុខរបរ ឬ ធ្វើជំនួយអ្វីមួយ មនុស្សទូទៅតែងតែនឹកគិតដល់ធនធានហិរញ្ញវត្ថុជាសំខាន់ ស្របពេលដែលបុរសជនជាតិ អាមេរិកកាំងម្នាក់ ចាប់ផ្ដើមអាជីវកម្មរបស់ខ្លួនពីការខ្ចីលុយគេ និង អនុវត្ដតាមដំបូន្មានរបស់អ្នកជោគជ័យលើពីភពលោកតែប៉ុណ្ណោះ។
ដូចអ្នកគ្រប់គ្នាបានធ្លាប់ឮហើយថា មនុស្សពូកែ និង ល្បីនិយាយអ្វីក៏មានប្រយោជន៍ដែរ។ អ្វីត្បិតថាវាគ្រាន់តែជាទ្រឹស្ដី តែលោកអ្នកមិនត្រូវភ្លេចឡើយថា បើគ្មានទ្រឹស្ដី នោះមិនអាចឲ្យយើងឈានទៅរកការអនុវត្ដបានល្អឡើយ។ ហេតុនេះបើសិនជាលោកអ្នកបោះបង់ចោលនៅទ្រឹស្ដី នោះបានន័យថាលោកអ្នកកំពុងតែធ្វើឲ្យខ្លួនឯងក្លាយជាអ្នកជំនួញ មីញ៉ូហើយ។ ផ្ទុយមកវិញបើសិនលោកអ្នកជាមនុស្សបើកចិត្ដ និង បេះដូងព្រមទទួលយកនូវគំនិត និង យោបល់របស់អ្នកដ៏ទៃ វានិងផ្ដល់អោយលោកអ្នកនូវពត៌ពិតដែលជា ចលករទម្លោះទ្វាឧបស័គ្គឲ្យអ្នកឆ្ពោះទៅរកភាពជោគជ័យ។
ជាក់ស្តែងលោក Greg Steltenpohl បានចាប់ផ្តើមក្រុមហ៊ុន Odwalla ក្នុងឆ្នាំ 1980 ពីការលក់ភេសជ្ជៈដែលលោកនិងមិត្ដភក្ដិបានផលិតដោយខ្លួនតាមរថយន្ត Van Volkswagen នៅជុំវិញទីក្រុង San Francisco ពេលនោះគ្រាន់តែចំណាយដើមទុនប្រមាណជា ២០០ដុល្លារប៉ុណ្ណោះ។ ក្នុងរយៈពេលពីរឬបីឆ្នាំក្រុមហ៊ុនេះមានចំនូលរាប់ពាន់លានដុល្លា និង ជាភេសជ្ជៈមានមានគុណភាពបែបធម្មជាតិ ដំបូងគេបង្អស់នៅអាមេរិកផងដែរ។
កត្តាដែលរុញច្រានឲ្យក្រុមហ៊ុនរោងចក្រផលិតទឹកផ្លែប៉ោមរបស់លោក Greg Steltenpohl ឈានដល់កំពូលបែបនេះគឺមិនមែនដោយសារកត្ដាចៃដន្យនោះឡើយ។ Greg Steltenpohl ជាអ្នកដឹកនាំក្រុមហ៊ុនដែលមានភាពវៃឆ្លាត និង មានភាពច្នៃប្រឌិតខ្ពស់ ព្រមទាំងចូលចិត្ដយកគំនិតអ្នកដទៃមកពិចារណា។
លោកបានដើរតាមទ្រឹស្ដីរ និង ដំបូន្មានបស់លោក Steve Job ដែលជាសហស្ថានិករបស់ ក្រុមហ៊ុន Apple បានធ្វើអោយលោកទទួលបាននូវភាពជោគជ័យដូចសព្វថ្ងៃ។
ផ្នែកមួយនៃភាពជោគជ័យរបស់ក្រុមហ៊ុន Odwalla គឺត្រូវអរគុណដល់ រឿងព្រេងនិទានអំពីសហគ្រិន និង សហស្ថាបនិកក្រុមហ៊ុន Apple គឺលោក Steve Jobs ។ Steltenpohl និយាយថា “ខ្ញុំមានសំណាងក្នុងការបង្កើតមិត្តភាពដំបូងជាមួយ Steve” ។ នៅថ្ងៃមួយគាត់បានទូរស័ព្ទមកខ្ញុំ ហើយនិយាយថា” ខ្ញុំជាប់ចត្ដនឹងទឹកផ្លែឈើរបស់អ្នក ហើយខ្ញុំមានផ្លែប៉ោមខ្លះនៅក្នុងចំការរបស់ខ្ញុំដែលខ្ញុំចង់ឲ្យអ្នកធ្វើជាកាដូដល់បុគ្គលិករបស់ខ្ញុំរាល់ថ្ងៃ “។ ដូច្នេះយើងបានទៅមើលចំការផ្លែប៉ោម បន្ទាប់មកខ្ញុំនិយាយថា “អេ Steve! លោកបានផ្ដល់ភាពពេញចិត្តមួយឲ្យខ្ញុំ ព្រមទាំងបុគ្គលិករបស់លោកផង។ ដូច្នេះខ្ញុំរីករាយនឹងផ្ដល់ទឹកផ្លែប៉ាមរៀងរាល់ថ្ងៃឱ្យបុគ្គលិករបស់លោក។ “
Steve បានយល់ព្រមហើយចាប់ផ្តើមដាក់ផ្គត់ផ្គង់ទឹកផ្លែប៉ោមក្នុងហាង Apple ។ លោក Steltenpohl បាននិយាយថា “Steve ជាមនុស្សដែលចូលចិត្ដទឹកផ្លែឈើស្រស់” ។
Steve ក៏បានផ្តល់ដំបូន្មានអាជីវកម្មយូរអង្វែងដល់ Steltenpohl ដើម្បីលើកកម្ពស់ផលិតផលរបស់ក្រុមហ៊ុន Odwalla។ Steve ប្រាប់ថា ” កុំមានការភ័យខ្លាចក្នុងការ លើកទូរស័ព្ទហើយហៅទៅមនុស្សដែលសំខាន់ៗនៅលើពិភពលោក ដើម្បីធ្វើការទំនាក់ទំនង់ និង ស្វែងរកការវិនិយោគជាមួយពួកគេ”។ គាត់បាននិយាយទៀតថា “បើអ្នកយកចិត្តទុកដាក់ទៅលើអ្វីមួយ សូមធ្វើឱ្យអស់ពីលទ្ធភាព និង ព្យាយាមធ្វើឱ្យបានល្អបំផុត” ។
លោក Steltenpohl បាននិយាយថា “ពាក្យទូន្មានរបស់គាត់បានក្លាយទៅជាប្រភពនៃវិន័យមួយសម្រាប់ខ្ញុំជានិច្ច”
បច្ចុប្បន្នក្រុមហ៊ុនOdwalla បានផលិតនូវផលិតផល របស់ខ្លួនដែលជាភេសជ្ជៈមានរសជាតិឆ្ងាញ់ដូចជា Almondmilks, Aguas Frescas និង Cold Brew Coffee សម្រាប់ផ្គត់ផ្គង់លើទឹកដីអាមេរិក និងនៅទៅក្រៅប្រទេសផងដែរ។ ភាពជោគជ័យទាំងនេះលោកបានរំលឹកថា «ខ្ញុំបានជំពាក់ Steve Jobs ច្រើនណាស់»។
អាស្រ័យហេតុនេះក្នុងនាមជាអ្នកដឹកនាំ និង ជាម្ចាស់ជំនួញ ទោះបីខុសឬត្រូវ អាក្រក់ឬល្អ គួរតែបើកចិត្ដអោយទូលាយក្នុងការទទួលយកនូវគំនិតដៃគូរអាជីវកម្ម ព្រមទាំងអ្នកក្រោមបង្គាប់របស់ខ្លួនផងដែរ។ ដើម្បីធ្វើលោកអ្នកទទួលបាននូវគំនិតថ្មី សម្រាប់ការដឹកនាំអាជីវកម្ម អោយទទួលបាននូវភាពជោគជ័យ និង មាននិរន្ដភាពរហូតទៅ។
0.000 SRY