ស្នេហាមិនមែនសុទ្ធតែផ្តល់យើង សុភមង្គល

ស្នេហាមិនមែនសុទ្ធតែផ្ដល់យើងនូវសុភមង្គលនៅទីបញ្ចប់នោះទេ។ ជួនកាល អ្នកស្រឡាញ់មនុស្សម្នាក់ដោយងងឹតងងល់ តែពេលបានរួមរស់ជាមួយគ្នា បែរជាអ្នកនោះមិនអាចផ្ដល់នូវភាពផ្អែមល្ហែមដល់អ្នក ដូចតែអ្នកប្រាថ្នាចង់បាននោះទេ។ អ្នកមានបំណងប្រាថ្នានិងផែនការរួមរស់ជាមួយអ្នកនោះ តែក្នុងជីវភាពពិត វាមានបញ្ហាជាច្រើន ដែលកើតឡើងផ្ទុយពីការរំពឹងរបស់អ្នក។ អ្នកចង់ជួបមនុស្សដែលអ្នកស្រឡាញ់ តែនៅពេលដែលអ្នកបានរួមរស់ហើយ ភាពផ្អែមល្ហែមមានតែមួយរយៈពេលដ៏ខ្លី បន្ទាប់មកបញ្ហាជាច្រើនបានកើតឡើងបន្តបន្ទាប់ រហូតដល់ភាពផ្អែមល្ហែមនោះបានរលាយបាត់អស់ ហើយសល់នូវភាពល្វីងជូរចត់ទៅវិញ ពេលនោះហើយដែលវាប្រាប់អ្នកថា នេះមិនមែនជាស្នេហាពិតទេ!