អមតៈនៃសេចក្តីសុខសម្រាប់ជីវិត
សម្រស់រមែងរោយស្រពោនទៅតាមកាលវេលា
អ្វីៗនៅក្នុងលោកនេះរមែងរលត់ទៅវិញជាធម្មតាយ៉ាងណា សត្វលោកគ្រប់រូបដែលកើតមកហើយ រមែងចម្រើនវ័យវឌ្ឍនាការជាកំលោះ ក្រមុំ មានរូបសម្រស់ស្រស់ស្អាត មិនយូរប៉ុន្មានរូបសម្រស់ដ៏ស្រស់ឆើតឆាយនោះក៏ចាប់ផ្តើមរោយស្រពោន ស្រកស្រុតទៅតាមកាលវេលានៃច្បាប់ធម្មជាតិក៏យ៉ាងនោះដែរ ទុកជាចង់ឬមិនចង់ក៏មិនអាចប្រកែកបានឡើយ ។
ឯគុណធម៌វិញ ពោលគឺសេចក្តីល្អដែលមនុស្សបានធ្វើហើយរមែងចម្រើនកើនឡើងជារឿយៗទៅតាមកាលវេលា ដោយមិនចេះស្រកស្រុតអាប់អន់សោះឡើយ។ វេលាកាន់តែយូរឆ្ងាយ ការកសាងគុណធម៌កាន់តែបានច្រើន សេចក្តីចម្រើនក្នុងផ្លូវសុខក៏មានច្រើនឡើងជាភិយ្យោភាព គឺចម្រើនតាំងពីលោកនេះរហូតដល់លោកខាងមុខ ។
ទាក់ទងនឹងសេចក្តីនេះគម្ពីរព្រះពុទ្ធសាសនាបានចារទុកជាគតិឲ្យយើងបានពិចារណាប្រព្រឹត្តតែអំពើជាកុសល ប្រារព្ធសេចក្តីមិនប្រមាទ និងព្យាយាមធ្វើតែអំពើល្អ កសាងគុណធម៌ដើម្បីសេចក្តីចម្រើនតរៀងទៅ ៕
0.000 SRY