រកឃើញមូលហេតុ សិស្សពូកែគណិត តែធ្លាក់គណិតឆ្នាំនេះ
ក្រសួងអប់រំយុវជន និងកីឡា បានសំដែលការសោកស្តាយ ជាខ្លាំងចំពោះកំហុសបច្ចេកទេសដែលបណ្តាលមកពីប្រព័ន្ធ កុំព្យូទ័រ ដំណើរការខុសប្រក្រតី ធ្វើឲ្យពិន្ទុនៃវិញ្ញាសាគណិតវិទ្យាក្នុងការប្រឡងបញ្ចប់ថ្នាក់វិទ្យាល័យទូទាំងប្រទេស ហើយក៏បានសូមអភ័យទោសដល់បេក្ខជន និងមាតាបិតាសិស្សព្រមទាំងសាធារណជនទាំងអស់ផងដែរ។
រសៀលថ្ងៃទី១៤ខែកញ្ញានេះ លោក ឌី ខាំប៉ូលី អ្នកនាំពាក្យក្រសួងអប់រំយុវជននិងកីឡាបានចេញបកស្រាយថា គណៈកម្មការត្រួតពិនិ្យ បានរកឃើញដំណើរការបូកពិន្ទុតាមប្រព័ន្ធ កុំព្យូទ័រ(Computer)មានបញ្ហាបច្ចេកទេស ធ្វើឱ្យប៉ះពាល់ដល់ពិន្ទុវិញ្ញាសាគណិតវិទ្យា របស់បេក្ខជនរហូតដល់ចំនួន៧៤០បន្ទប់។ បន្ទាប់ពីដោះស្រាយបញ្ហាកំហុសបច្ចេកទេសComputer រួចមក ក្រសួងអប់រំយុវជននិងកីឡាបានសម្រេចប្រកាសលទ្ធផលនៃការប្រឡងជាថ្មីដោយមានបេក្ខជនជាប់សរុបចំនួន៧៦០៣៤នាក់កើនឡើង៩៧៥នាក់ថែមទៀតស្មើនឹង៧៧.០៧ភាគរយ លើសពីការប្រកាសលទ្ធផលប្រឡងលើកដំបូង កាលពីថ្ងៃទី ១០ ខែកញ្ញា កន្លងទៅ ។
ចំពោះបេក្ខជន និទ្ទេស A វិញ បានកើនឡើង ពី២៩០នាក់ ដល់ ៤០៨នាក់, និទ្ទេស B ចំនួន២២២២នាក់ និទ្ទេស C ចំនួន៦០៤១នាក់ និទ្ទេស D ចំនួន១៥១៨០នាក់ និងនិទ្ទេស E ចំនួន៥២១៨៣នាក់ ៕
0.000 SRY