ច្បាប់កម្មគឺជាច្បាប់រលកសញ្ញា(Signal law) វាធ្វើការមិនកាន់ជើងអ្នកណាទាំងអស់(អព្យាក្រិត) ទាំងមិននៅក្រោមអំណាចអ្នកណាម្នាក់ឡើយ(Top of power) ឲ្យតែកម្លាំងរលកវាណាមួយគ្រប់វាចេញមុខឲ្យផលភ្លាម។ អ្វីៗកើតឡើងសុទ្ធតែត្រឹមត្រូវតាមពេលវេលានឹងសមតាមហេតុផលរបស់វាទាំងអស់។ថ្ងៃដាំដើមឈើមិនមែនជាថ្ងៃត្រូវហូបផ្លែវាទេ ! ក្នុងហេតុគ្មានផល ក្នុងផលគ្មានហេតុ តែផលមិនដែលកើតប្រាសចាកហេតុឡើយ ។ ពេលកំពុងសាងហេតុ គេមិនដែលបានគិតពីផលរបស់វានោះទេ មនុស្សមានការភ្ញាក់រលឹកមុនធ្វើអ្វីមួយតែងគិតពីផលវិបាករបស់វាជានិច្ច។