បន្លែនេះជា «ថ្នាំទិព្វ» សម្រាប់ថ្លើម

បន្លែនេះជា «ថ្នាំទិព្វ» សម្រាប់ថ្លើម ប៉ុន្តែមនុស្សជាច្រើនបានមើលរំលង

តើអ្នកដឹងទេថា បើអ្នកញ៉ាំបន្លែនេះម្តងក្នុងមួយសប្តាហ៍ ថ្លើមរបស់អ្នកនឹងមានសុខភាពល្អ រំលាយអាហារបានរលូន ប៉ុន្តែមិនមែនគ្រប់គ្នាសុទ្ធតែដឹងពីរបៀបញ៉ាំវាជាប្រចាំនោះទេ។ បន្លែនេះមានឈ្មោះថា Celery ហើយត្រូវបានគេចាត់ទុកថាជាបន្លែបរទេស ព្រោះវាមានដើមកំណើតពីបរទេស តែបច្ចុប្បន្ននេះវាក៏ពេញនិយមនៅក្នុងប្រទេសយើងផងដែរ៖

១.ស្លឹក Celery - ជា "កំណប់" សម្រាប់ថ្លើម៖ នៅពេលដែលនិយាយអំពី celery មនុស្សជាច្រើនតែងតែយកដើមវាក្រឡុកធ្វើជាទឹកបន្លែដើម្បីសុខភាព រួចបោះស្លឹកវាចោល។ ទោះជាយ៉ាងណាក៏ដោយ មានមនុស្សតិចណាស់ដែលដឹងថា ស្លឹកវា មានជីវជាតិ និងមានប្រយោជន៍សម្រាប់ថ្លើមជាងដើមទៅទៀត!

យោងតាមឱសថបុរាណ Celery មានរសជាតិផ្អែម ជូរចត់បន្តិច លក្ខណៈសម្បត្តិត្រជាក់ និងមានឥទ្ធិពលដោយផ្ទាល់ដល់ថ្លើម និងក្រពះ។ ស្លឹកនេះមានប្រសិទ្ធភាពជម្រះកំដៅ បន្សាបជាតិពុល បញ្ចុះទឹកនោម កាត់បន្ថយការហើម និងបន្ថយសម្ពាធឈាម។ នៅក្នុងសៀវភៅ "Compendium of Materia Medica" វេជ្ជបណ្ឌិតដ៏ល្បីល្បាញ Li Shizhen ក៏បានកត់សម្គាល់ផងដែរថា ស្លឹក celery អាចជួយព្យាបាលជំងឺលើសឈាម វិលមុខ ភ្នែកក្រហម និងជំងឺសរសៃប្រសាទ។

តាមទស្សនៈវិទ្យាសាស្ត្រ ស្លឹក celery មានផ្ទុកសារធាតុ Beta-carotene វីតាមីន C វីតាមីន E និងសារធាតុរ៉ែជាច្រើនដែលជួយពង្រឹងមុខងារបន្សាបជាតិពុលរបស់ថ្លើម។ ជាពិសេស សម្បូរទៅដោយជាតិសរសៃនៅក្នុងស្លឹក celery ក៏ជួយដល់ការរំលាយអាហារ ជំរុញចលនាពោះវៀន និងកាត់បន្ថយការទល់លាមកផងដែរ។ ដូច្នេះ ប្រសិនបើអ្នកឧស្សាហ៍មានបញ្ហារំលាយអាហារ ហើមពោះ ឬ ចង់ធ្វើឱ្យមុខងារថ្លើមប្រសើរឡើង កុំ បោះចោលស្លឹក celery អោយសោះ!

២.កែច្នៃស្លឹក celery ទៅជាម្ហូបឆ្ងាញ់ និងមានជីវជាតិ៖ ប្រសិនបើអ្នកធ្លាប់បោះចោលស្លឹក celery ពីមុនមក សូមសាកល្បងរូបមន្តនេះ ដើម្បីទាញយកអត្ថប្រយោជន៍ពីតម្លៃអាហារូបត្ថម្ភដ៏អស្ចារ្យរបស់វា។ ដូចជាយកទៅធ្វើជាសាឡាត់ Celery៖

#គ្រឿងផ្សំ៖ ស្លឹក celery ស្រស់ ខ្ទឹមស ម្ទេស ប្រេង ទឹកស៊ីអ៊ីវ ទឹកខ្មេះ អំបិល ផ្លូវ ប្រេងល្ង

#របៀបធ្វើ៖ លាងស្លឹក celery ដាំទឹកឱ្យពុះ បង់ស្លឹកជីរអង្កាម ទុកចោលប្រហែល ១០ វិនាទី រួចស្រង់ចេញ ត្រាំក្នុងទឹកត្រជាក់ភ្លាមៗ ដើម្បីរក្សាភាពរស់រវើក។ លាយខ្ទឹមស ប្រេងឆា ទឹកស៊ីអ៊ីវ ទឹកខ្មេះ អំបិល ស្ករ និងប្រេងល្ង ចូលទៅក្នុងល្បាយគ្រឿងទេស។ ប្រលាក់ល្បាយពីលើស្លឹក celery ច្របល់ចូលគ្នាឱ្យសព្វ។ សាឡាត់នេះមានរសជាតិផ្អែម និងជូរ ក្លិនឈ្ងុយនៃប្រេងល្ង ទាំងស្រស់ស្រាយ និងភ្ញោចដល់រសជាតិ។ ជាពិសេស នេះគឺជាមុខម្ហូបដ៏ស័ក្តិសមក្នុងរដូវក្តៅ ជួយបន្សុទ្ធរាងកាយ និងជួយដល់ការរំលាយអាហារយ៉ាងមានប្រសិទ្ធភាព៕