តើពាក្យថាមេ និង កូនចៅ មានន័យយ៉ាងណា ?

ពាក្យថាមេ គឺជាបុគ្គលមួយរូបដែលជាអ្នកចាប់ផ្តើម នូវគំនិត ចក្ខុវិស័យ សំដៅឆ្ពោះទៅរកគោលដៅណាមួយ ដោយមាន សមាជិកសមាជិការយ៉ាងច្រើនដើរតាម (កូនចៅ) ដោយគោលដៅនោះគឺជាជោគជ័យរបស់សមូហភាព និង សមាជិកសមាជិការរបស់ ក្រុមមួយនោះ ផងដែរ ។ ឯពាក្យថា កូនចៅវិញ គឺជាក្រុមមនុស្សយ៉ាងច្រើន (មហាជន) ដែលស្មារតី ឆន្ទះ ការតស៊ូព្យាយាម ដើម្បីរុញច្រានគោលដៅក្នុងអង្គភាពនោះ ឲ្យដល់ចំនុចមួយ ដែលជាចក្ខុវិស័យ ទស្សនៈវិស័យដែល មានបំណងប្រាថ្នាបានតាំងទុកមក ។ សរុបមក មេនិង កូនចៅ គឺរួមសុខរួមទុក្ខ ជួយរុញច្រានគោលដៅឲ្យសម្រេចបាន ប្រកបដោយបញ្ញា និងសាមគ្គីភាពដ៏ខ្លាំងក្លាមួយ ។  មេ គឺជាបុគ្គលម្នាក់ដែលមិនអាចទន់ខ្សោយបាន ជាដាច់ខាត ឯកូនចៅវិញ មានឆន្ទៈ ពង្រឹងស្មារតី គាកស្មាជាមួយនឹងមេ ឆ្លងកាត់ ឧបសគ្គៈជាមួយគ្នា។