ខួបអាពាហ៍ពិពាហ៍២៥ឆ្នាំរបស់អតីតតារាចម្រៀងក្រុមតន្ត្រីសុិនសុីសាមុត

កាលពីថ្ងៃទី១៩ខែឧសភាកន្លងមកនេះ លោកស្រីសក់សារីនិងស្វាមីបានប្រារព្ធពិធីខួបអាពាហ៍ពិពាហ៍២៥ឆ្នាំ។ កម្មវិធីដ៏មហោឡារិកនេះត្រូវបានប្រព្រិត្តិទៅនៅឯប្រទេសអាល្លឺម៉ង់។ លោកស្រីធ្លាប់ជាអតីតតារាចម្រៀងប្រចាំក្រុមតន្ត្រីសុិនសុីសាមុតជំនាន់មុនក្នុងអំឡុងឆ្នាំ១៩៩០។ ក្រុមតន្ត្រីមួយនេះមានដើមកំណើតកើតនៅក្នុងប្រទេសហូឡង់ព្រមទាំងមានឈ្មោះបោះសម្លេងនៅបណ្តាប្រទេសជាច្រើន ក្នុងទ្វីបអឺរ៉ុប។ គាត់បានលាលែងពីក្រុមជិត២០ឆ្នាំមកហើយដោយសារភាពរវល់ផ្ទាល់ខ្លួន។ ប៉ុន្តែលោកស្រីនូវតែបន្តការងាសិល្បៈជួយដល់សមាគមតាមកម្មវិធីនាៗក្នុងប្រទេសអាល្លឺម៉ង់។ គួរឱ្យកោតសរសើរណាស់ដែលគាត់នូវតែមានសម្រស់ស្រស់ស្អាតនិងទឹកដមសម្លេងពិរោះដដែល។ ២៥ឆ្នាំបានកន្លងផុតទៅយ៉ាងឆាប់រហ័ស នាងខ្ញុំព្រមទាំងស្វាមីក៏សូមជូនពរដល់អ្នកទាំងពីរឱ្យជួបប្រទះតែសុភមង្គលវិបុលសុខក្នុង ជីវិតអាពាហ៍ពិពាហ៍ជាយូអង្វែងតរៀងទៅ៕