៣ ប្រទេស​​នេះ​ជា​ប្រភព iPhone ចេញយប់នេះ នាំមក​លក់ស្រុកខ្មែរ

Apple នឹង​ប្រកាស​ចេញ iPhone ជំនាន់​ថ្មី​ឆ្នាំ ២០១៨ នៅ​យប់​ម៉ោង ១២ អាធ្រាត្រនេះ​ឈាន​ចូល​ថ្ងៃ​ទី ១៣ ខែ​កញ្ញា។ iPhone អាច​នឹង​ចេញ ៣ ម៉ូដែលមាន​ឈ្មោះដូចជា iPhone XC, iPhone XS និង iPhone XS Plus។  ប្រភព​ហាង​ធំ​មួយ​ប្រាប់​ថា iPhone ថ្មី​អាច​មាន​លក់​នៅ​លើ​ទី​ផ្សារ​ក្នុង​ស្រុក​គឺ​នៅ​​ថ្ងៃ​ទី ១៤ ឬ ១៥។  ម្ចាស់ហាង​ទូរសព្ទ​ដ៏​ធំ​ធ្លាប់​នាំ​យក​ផលិតផល​ iPhone មក​លក់បញ្ជាក់​ថា អាមេរិក ចិន និង​សិង្ហបុរី ជា​ប្រភព​ប្រទេស​ដែល​ហាង​មួយ​ចំនួន​បានប្រើ​បណ្តាញ​​ទាក់ទង​ដើម្បីនាំ​ iPhone មក​លក់។ មិន​ខុស​ពី​ជំនាន់ iPhone មុនៗ​គឺមានហាង​មួយ​ចំនួន កំពុង​ប្រើ​បណ្តាញ​ទំនាក់ទំនង​តាម​ប្រទេស​ផ្សេងៗ​ នាំ​កំពូលទូរសព្ទ​របស់ Apple មក​ក្តៅៗ​ទាន់​ពេល ជា​ឱកាស​ដើម្បីអា​ច​កើប​ប្រាក់​ចំណេញ​​យ៉ាង​ក្រាស់ក្រែល។ យ៉ាងណា ម្ចាស់ហាង​រូប​នេះ​មិន​ទាន់​ហ៊ាន​បង្ហើប​តែតម្លៃ ដោយ​បញ្ជាក់​ថា ទូរសព្ទ​នាំមក​លក់​មិន​មាន​ការ​ធានា​ពីក្រុម​ហ៊ុនឡើយ៕ ប្រភព ៖ http://news.sabay.com.kh/article/1085966