កម្ពុជាឈរលើប្រទេសអាស៊ីអាគ្នេយ៍ណាខ្លះក្រោយឈ្នះមេដាយមាស២គ្រឿង
គិតត្រឹមថ្ងៃទី២៥ ខែសីហា ឆ្នាំ២០១៨នេះ កម្ពុជា បានឡើងមកឈរនៅចំណាត់ថ្នាក់លេខ១៦ នៃតារាងមេដាយព្រឹត្តិការណ៍ Asian Games 2018 ដែលរៀបចំដោយប្រទេសឥណ្ឌូណេស៊ី។ ការរំកិលខ្លួនដល់លេខ១៦នេះ គឺបន្ទាប់ពីកម្ពុជា ឈ្នះមេដាយមាសចំនួន២គ្រឿង និង សំរឹទ្ធ ១គ្រឿង។
បើប្រៀបធៀបជាមួយប្រទេសក្នុងតំបន់អាស៊ីអាគ្នេយ៍ កម្ពុជា ឈរនៅលើប្រទេស ដូចខាងក្រោម៖
វៀតណាម លេខ១៧ (មាស១ ប្រាក់៦ សំរឹទ្ធ៩)
ម៉ាឡេស៊ី លេខ១៩ (មាស១ ប្រាក់៤ សំរឹទ្ធ១)
ហ្វីលីពីន លេខ២២ (មាស១ សំរឹទ្ធ៧)
ឡាវ លេខ២៦ (ប្រាក់១)
មីយ៉ាន់ម៉ា (សំរឹទ្ធ ២)
ព្រុយណេ ព្រមទាំង ទីម័រខាងកើត មិនទាន់មានមេដាយនៅឡើយទេ។
ប្រទេសអាស៊ីអាគ្នេយ៍ ៣ ដែលនៅលើកម្ពុជា មាន ឥណ្ឌូណេស៊ី លេខ៥ (មាស៩ ប្រាក់១១ សំរឹទ្ធ១៦), ថៃ លេខ៧ (មាស៨ ប្រាក់៧ សំរឹទ្ធ២២) និង សិង្ហបុរី លេខ១៥ (មាស២ ប្រាក់១ សំរឹទ្ធ៦)។
កម្ពុជា ឈ្នះមេដាយមាស ២គ្រឿង ដោយ កីឡាការិនី ខាន់ ចេសា លើប្រភេទកីឡា ជូជិតស៊ូ កាលពីថ្ងៃទី២៤សីហា និង កីឡាករ សាលី អ៊ូមើត លើប្រភេទកីឡាម៉ូតូទឹក នៅថ្ងៃទី២៥សីហា។ រីឯមេដាយសំរឹទ្ធ ១គ្រឿង បានលើកីឡាករ សាលី អ៊ូមើត ដដែល លើប្រភេទកីឡាម៉ូតូទឹកដូចគ្នា ដែលឈ្នះនៅថ្ងៃទី២៥សីហានេះ៕
0.000 SRY