វ៉ាង ស្រីណូ ទោះជាចាកឆ្ងាយពីសិល្បៈបន្តិចក្តីតែសម្រស់នៅខ្ញង់ដដែល
វ៉ាង ស្រីណូ ទោះជាចាកឆ្ងាយពីសិល្បៈបន្តិចក្តីសម្រាប់ការតុបតែងសម្រស់ នៅតែខ្ញង់ដដែល
ដោយៈពេជ្រ វីរៈ
ភ្នំពេញៈ អតីតតារាសម្តែង វ៉ាង ស្រីណូ នៅតែទទួលបានការចាប់អារម្មណ៍ពីសំណាក់ទស្សនិកជនទោះជាចាកឆ្ងាយពីសិល្បៈបន្តិចក្តី សម្រាប់ការតុបតែងសម្រស់ នៅតែខ្ញង់ដដែល ជាមួយនឹងការលក់ផលិតផលអនឡាញបានយ៉ាងជោគជ័យផងដែរ ។ 
ជាពិសេសតាមរយៈការតុបតែងខ្លួន និង លេងស្ទីលមើលទៅពិតជាស្រស់ស្អាត និង ឡូយកប់តែម្តង ហើយកាលពីថ្មីៗនេះដែរ ស្រីស្រស់មុខខ្ជូត វ៉ាង ស្រីណូ បានទៅបង្អួតសម្រស់នៅលើទឹកដីអាមេរិកថែមទៀត ។
អតីតតារាសម្តែងរូបស្រស់ វ៉ាង ស្រីណូ ចេញទៅជាលក្ខណៈឯកជននៅលើទឹកដីអាមេរិក ក៏ មិនមែនជាលើកទីមួយដែរ មិនតែប៉ុណ្ណោះក៏បានបង្ហោះរូបភាពស្រស់ស្អាតជាច្រើនសន្លឹក ជាមួយនឹងទេសភាពដ៏ស្រស់ស្អាតនៅលើទឹកដីប្រទេសជឿនលឿនមួយនេះ ។ 
មើលទៅគួរឱ្យច្រណែនក្រៅពីចំណាយពេលដើរលំហែនៅប្រទេសជឿនលឿនមួយនេះ គេបានសម្គាល់ឃើញ វ៉ាង ស្រីណូ ដើរទិញសម្ភារៈម៉ាកល្បីៗជាច្រើនប្រភេទ ។
អ្វីដែលចាប់អារម្មណ៍នោះ ទោះបីជាមានវ័យជ្រេបន្តិចមែន តែ វ៉ាង ស្រីណូ នៅតែមានរូបសម្រស់ស្រស់ស្អាត និង មានការតុបតែងខ្លួនយ៉ាងទាន់សម័យមើលទៅពិតជាទាក់ទាញមិនធម្មតា ។ ក្នុងនោះក៏មានការចង់ដឹងពីអាថ៌កំបាំងក្នុងការថែរក្សាសម្រស់របស់ វ៉ាង ស្រីណូ ផងដែរ ។
សូមជម្រាបថា បច្ចុប្បន្ននេះ វ៉ាង ស្រីណូ បានងាកមកលក់ផលិតផលរក្សាសម្រស់រួមទាំងសម្ភារៈនានា ដែលកំពុងទទួលបានការគាំទ្រពីសំណាក់អតិថិជនយ៉ាងក្រាស់ក្រែល ៕
0.000 SRY