ស្រីម៉ុច ហាក់មិនមានប្រតិកម្មអ្វីឡើយនូវពាក្យរិះគន់

ស្រីម៉ុច ហាក់មិនមានប្រតិកម្មអ្វីឡើយនូវពាក្យរិះគន់បាន ត្រឹមតែនិយាយថា «អរគុណ» ដោយៈ វីរៈ ភ្នំពេញ៖ តារាសម្ដែងតួជីដូនកាកី ស្រីម៉ុច ក្រោយពីបញ្ចេញភាពសិចស៊ីយ៉ាងខ្លាំងជាមួយរ៉ូបវាលក្រលាន បានធ្វើឲ្យអ្នកលេងបណ្តាញសង្គមធ្វើការរិះគន់មួយចាស់ ដៃ ខណៈសាម៉ីខ្លួនហាក់មិនមានប្រតិកម្មអ្វីឡើយ ត្រឹមតែនិយាយថា «អរគុណ»។ កាលពីថ្មីៗនេះ អតីត​តារា​សម្ដែង​ ស្រី​ម៉ុច ធ្វើ​ឲ្យ​ទស្សនិកជន​ស្រ​លាំង​កាំង ស្ទើរ​មិន​ហ៊ាន​ប្រិច​​ភ្នែក ដោយសារ​ឈុត​សម្លៀកបំពាក់​​​សិច​ស៊ី​មិន​ធម្មតា បែប​ប៊ី​គី​នី​ វាល​គល់​ភ្លៅ ស្ទើរ​តែ​ចេញ​តំបន់​សំខាន់​ទៅ​ហើយ ​​​ពេល​ស្រី​ម៉ុច​ សម្តែងរួម​គ្នា​ជាមួយ​តារា​ថៃ Katreeya English ។​​ ក្នុង​កម្មវិធី​របស់​មជ្ឈមណ្ឌល​កែ​សម្ផស្ស​មួយ​ ​ដំបូង​ទស្សនិកជន​ជន​កំពុង​ស្លុង​អារម្មណ៍​នឹង​បទ​ញាក់​កន្ត្រាក់​អារម្មណ៍​របស់​តារា​ថៃ Katreeya English យ៉ាង​ជក់​ចិត្ត។ បន្តិច​ក្រោយ​មក​ ស្រាប់​តែ​លេច​វត្តមាន​ ជី​ដូន​កាកី ជាមួយ​ឈុត​វាល​គល់​ភ្លៅ មាន​កំណាត់​រំ​យោល​ពី​ក្រោយ ​មក​ដើរបង្ហាញម៉ូដ និងរាំ​អម​ជាមួយ​តារា​ថៃ​យ៉ាង​រស់​រវើក ធ្វើ​ឲ្យ​ម្នាក់​ៗ​សម្លឹង​មិន​ដាក់​ភ្នែក​នឹង​ឈុត​ស៊ី​អារម្មណ៍​ព្រម​ទាំង​ជើង​ដ៏ស្រឡូន​​របស់​នាង​យ៉ាង​ខ្លាំង។ ​ការ​បញ្ចេញ​ភាព​សិច​ស៊ី​របស់​អតីត​តារា​សម្ដែង​ដែល​គ្រប់​គ្នា​ហៅ​ថា ជី​ដូន​កាកី បែប​នេះ មិន​មែន​ជា​លើក​ទី​មួយ​នោះ​ទេ​ ព្រោះ​ស្រី​ម៉ុច​​តែង​បង្ហាញ​នូវ​ភាព​សិច​ស៊ី​ដុត​រោល​អារម្មណ៍​ ស្ទើរ​ឈាម​ច្រមុះជា​រឿយ​ៗ។ តារាសម្តែងស្រីកូនពីរ អ្នកនាង ស្រីម៉ុច ហាក់មិនមានប្រតិកម្មអ្វីឡើយ ចំពោះការរិះគន់ទាំងឡាយនេះ ដោយនាងគ្រាន់តែ និយាយពាក្យពេចន៍យ៉ាងខ្លីចំពោះ ការរិះគន់នេះរូបនាង នៅលើបណ្តាញសង្គមរបស់ខ្លួនថា «អរគុណ»។  សូមជម្រាបថា បើទោះបីជាមានការរិះគន់ខ្លាំង ចំពោះរូបនាងយ៉ាងណាក្ដី ក៏តារាស្រីរូបនេះ ពេញចិត្តនឹងទទួលយកការរិះគន់ ដើម្បីស្ថាបនាខ្លួននាងផងដែរ៕