កម្លាំងជំនាញខណ្ឌឬស្សីកែវឃាត់ខ្លួនជនសង្ស័យពីរនាក់រួមមានថ្នាំញៀន17កញ្ចប់

 ដោយៈ សាវរក្ស ភ្នំពេញៈ នៅរំលងអាធ្រាត្រឈានចូលថ្ងៃទី១៨ ខែមិថុនា ឆ្នាំ២០១៨ ក្រោយពីបើកការស្រាវជ្រាវកម្លាំងជំនាញខណ្ឌឬស្សីកែវ បានចុះធ្វើការបង្ក្រាបជាក់ស្តែងករណីជួញដូរនូវសារធាតុញៀនដោយខុសច្បាប់ឃាត់ខ្លួនជនសង្ស័យពីរនាក់រួមមានថ្នាំញៀន17កញ្ចប់ ត្រង់ចំណុចសំណង់មិនរាបរយ ក្រុម១៥ ក្រោយប៉ុស្តិ៍ទួលសង្កែ ភូមិផ្សារតូច សង្កាត់ទួលសង្កែ១ ខណ្ឌឬស្សីកែវ ។ លោក ម៉ៅ ចាន់ថុន នាយផ្នែកគ្រឿងញៀនបានឲ្យដឹងថា កំលាំងសមត្ថកិច្ចយើងបានធ្វើការឃាត់ខ្លួនជនសង្ស័យម្នាក់ មាន ឈ្មោះ សុខ ចំរើន ភេទ​ប្រស អាយុ៣៨ឆ្នាំ ជនជាតិខ្មែរ ស្នាក់នៅផ្ទះគ្មានលេខ សំណងមិនរៀបរយ ផ្លូវជាតិលេខ៥ ក្រុម១៥ ក្រោយប៉ុស្តិ៍ទួលសង្កែ១ ភូមិផ្សារតូច សង្កាត់ទួលសង្កែ(ជួញដូរ)។ ចំពោះវត្ថុតាងដកហូតរួមមាន：១/ក្រាមព៌ណសរថ្លាចំនួន១០កញ្ចប់ ។ ២/ដែកកេះចំនួន២។ នាយផ្នែកគ្រឿងញៀនរូបនេះបន្តថា ករណីមួយទៀតបង្ក្រាបជាក់ស្តែងករណីជួញដូរនូវសារធាតុញៀនដោយខុសច្បាប់ ត្រង់ចំណុចផ្លូវលេខ៧០ ភូមិទួលសង្កែ សង្កាត់ទួលសង្កែ១ ជាលទ្ធផលក្នុងកិច្ចប្រតិបត្តិការណ៍នេះ កំលាំងសមត្ថកិច្ចយើងបានធ្វើការឃាត់ខ្លួនជនសង្ស័យម្នាក់ មានឈ្មោះ ហេង សុខហ៊ុន ភេទ​ប្រស អាយុ២៧ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវរថភ្លើង សង្កាត់ទឹកល្អក់មួយ ខណ្ឌទួលគោក ។ វត្ថុតាងដកហូតមាន១/ក្រាមព៌ណសរថ្លាចំនួន៧កញ្ចប់ ។ ចំពោះមុខ កំលាំងជំនាញខណ្ឌ ប៉ុសិ៍្ត កំពុងបន្តការស្រាវជ្រាវរកបក្ខពួកនិងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធីទាំងពីរករណី៕