សម្ដេច ហ៊ុន សែន ថា គ្មានការលើកលែងទោសលោក កឹម សុខា នោះទេ
ថ្លែងអំឡុងជំនួបជាមួយកម្មករជាង ១ម៉ឺននាក់ នៅជាយរាជធានីភ្នំពេញ នៅព្រឹកថ្ងៃទី២៩ ខែសីហា ២០១៨ សម្ដេចនាយករដ្ឋមន្រ្តី ហ៊ុន សែន បានលើកឡើងថា គ្មានការលើកលែងទោសដល់លោក កឹម សុខា ដែលកំពុងជាប់ពន្ធនាគារត្រពាំងផ្លុង នាខេត្តត្បូងឃ្មុំនោះទេ។
ទោះបីជាសម្ដេចមិនបានបញ្ចេញឈ្មោះ ប៉ុន្ដែការលើកឡើងនេះ គឺត្រូវបានគេដឹងថា សំដៅលើលោក កឹម សុខា ដែលកំពុងជាប់ឃុំនៅពន្ធនាគារត្រពាំងផ្លុង។
សម្ដេចតេជោថា ការមិនមានការលើកលែងទោសនេះ ដោយសារតុលាការមិនទាន់កាត់ទោសលោក កឹម សុខា នៅឡើយ ដូច្នេះ គ្មានទោសដើម្បីលើកលែងនោះទេ។
សូមបញ្ជាក់ថា លោក គី ឫទ្ធី ចៅក្រមស៊ើបសួរសាលាដំបូងរាជធានីភ្នំពេញ បានអញ្ជើញលោក ផែង ហេង ដែលជាមេធាវីការពារសិទ្ធិឱ្យលោក កឹម សុខា ចូលរួមក្នុងនីតិវិធីស្តីពីការពន្យារពេលឃុំខ្លួនបណ្តោះអាសន្នពីដំណើររឿងសន្និដ្ឋិភាពជាមួយបរទេស នៅព្រឹកថ្ងៃទី៣០ ខែសីហា ឆ្នាំ២០១៨ ស្អែកនេះ នៅបន្ទប់សាកសួរនៃមណ្ឌលអប់រំកែប្រែទី៣ "ម៣ ខេត្តត្បូងឃ្មុំ" (ពន្ធនាគារត្រពាំងផ្លុង)៕
ប្រភព៖http://kleykley.sabay.com.kh
អត្ថបទ៖ វាសនា
0.000 SRY