វិជ្ជាធ្វើម្ហូប(ឆាខ្ញីឆ្អឹងជំនីរជ្រូកខ្ចី)
ឆាខ្ញីឆ្អឹងជំនីរជ្រូកខ្ចី
គ្រឿងផ្សំ៖
ឆ្អឹងជំនីរជ្រូក (ជាប់ឆ្អឹងខ្ចី) ខ្ញីចាស់ ស្លឹកក្រូចសើច ស្លឹកខ្ទឹម ខ្ទឹមស ម្ទេស ទឹកត្រីកោះកុង ប្រេងឆា ម្សៅស៊ុប ស្ករស និងអំបិល។
វិធីធ្វើ៖
១.ចំពោះវិធីចម្អិនវិញគឺដំបូងខ្ញីត្រូវហាន់ជាសរសៃស្ដើង
វែងៗ រួចយកទៅបំពងជាមួយប្រេងឆា រួចសឹមស្រង់វា
ទុកមួយអន្លើ។
២.ឆ្អឹងជំនីរជ្រូកត្រូវកាត់ជាកង់ៗហើយប្រឡាក់ជាមួយខ្ទឹម
សចិញ្ច្រាំ ព្រមទាំងគ្រឿងផ្សំរសជាតិមានម្សៅស៊ុប
ស្ករស និងអំបិល តែបន្តិចបន្តួចប៉ុណ្ណោះហើយផ្អាប់ទុក
មួយសន្ទុះ។
៣.បន្ទាប់មកដាក់ខ្ទះឲ្យក្ដៅ រួចចាក់ប្រេងឆាជាមួយខ្ទឹមស
ចិញ្ច្រាំ។
៤.ឆាឆ្អឹងជំនីរជ្រូកដោយបន្ថែមទឹកបន្តិចដើម្បីកុំឲ្យវាខ្លោច។
៥.ពេលដែលឆ្អឹងជំនីរឆ្អិន ចាប់ផ្ដើមដាក់ខ្ញីបំពងចូល រួចបន្ត
រំលីងឲ្យស្ងួត សឹមដាក់ស្លឹកក្រូចសើច គល់ខ្ទឹម និងម្ទេស
ហើយដួសដាក់ចាន។
ចំណាំ៖ ចំពោះវិធីលាយទឹកត្រីកោះកុងនោះគឺដំបូងត្រូវបុកខ្ទឹមសឲ្យច្រើន ជាមួយនឹងម្ទេសស្រស់ ហើយច្របាច់ក្រូចឆ្មារ មុននឹងចាក់ទឹកត្រី និងស្ករសកូរឲ្យសព្វជាការស្រេច។
++ឆ្អឹងជំនីរជ្រូកខ្ចីឆាខ្ញីនេះអាចទទួលទានជ្រលក់ជាមួយទឹកត្រីកោះកុងបាន។
0.000 SRY