កើតមកលើផែនដីតែមួយ ប៉ុន្តែធម្មជាតិបានកំណត់មកឲ្យមានភាពខុសគ្នាដូចជាមុខមាត់ ដងខ្លួន ប្រាជ្ញា ចំណេះដឹង និងស្ថានភាពគ្រួសារ។ នេះ ជាកត្តាដែលនាំឲ្យមនុស្សភាគច្រើន ចូលចិត្តសម្លឹងមើលគេ យកសម្ពាធមកដាក់លើខ្លួន ហើយចាប់ផ្តើមធ្វើការប្រៀបធៀប រហូតធ្វើឲ្យជីវិតលំបាកជាងការពិតជាក់ស្តែងទៅទៀត។យើងអាចរត់គេចពីរបស់អ្វីមួយបាន ប៉ុន្តែមិនអាចរត់គេចពីការពិតក្នុងជីវិតបានឡើយ។
មានមនុស្សច្រើនណាស់ បានរងនូវភាពឈឺចាប់ខ្លាំងក្រៃលែង ដោយសារតែពួកគេមិនអាចទទួលយកការពិតដែលបានកើតឡើង រហូតធ្វើឲ្យសុភមង្គលធ្លាក់ចុះដល់បាត បេះដូងរុំព័ទ្ធដោយសំណាញ់ទុក្ខ។មនុស្សមានជីវិតដូចគ្នាប៉ុន្តែមានវាសនាខុសគ្នា ។ វាមិនមែនជារឿងលំបាកឬគួរឲ្យខ្លាចនោះទេ ដែលត្រូវទទួលស្គាល់រាល់បញ្ហា ព្រោះជីវិតនរណាក៏ដូចនរណាដែរ មិនថាមានឬក្រ សុទ្ធតែមិនអាចគេចវេះពីទុក្ខលំបាកបានឡើយ។ ទទួលស្គាល់ផងថា អ្វីក៏មិនស្មើគ្នាដែរលើលោកនេះ សូម្បីតែម្រាមដៃរបស់អ្នកក៏ដោយ ដូច្នេះហើយគួររីករាយនិងខំព្យាយាមធ្វើឲ្យខ្លួនរីកចម្រើន នោះរឿងល្អៗនឹងតម្រង់ជួរគ្នា ចូលមកក្នុងជីវិតអ្នក។
លើលោកយើងនេះ គ្មានអ្វីដែលដូចគ្នា នៅគង់វង្សឋិតថេរឡើយ។ ក្តីសុខនិងក្តីទុក្ខ តែងតែកើតមានដំណាល ប៉ុន្តែយើងមិនអាចរស់នៅជាមួយភាពឈឺចាប់អស់មួយជីវិតបានទេ។ គ្រប់ទង្វើដែលយើងកំពុងធ្វើបច្ចុប្បន្ន យើងគួរតែត្រៀមខ្លួន ដើម្បីទទួលយកលទ្ធផលគ្រប់បែបយ៉ាង ដែលនឹងកើតឡើងនាពេលអនាគត៕
37.811 SRY