អំពីអត្ថន័យស្តូបរូបសំណាក់ព្រះបាទស៊ីសុវត្ថិនៅវត្តភ្នំ

យើងដឹងហើយថា រូបសំណាកនេះ គឺអ្នករាជការជំនាន់មុន បានកសាងឡើងជា​និមិត្តរូប ដើម្បីរំលឹកគុណដល់ព្រះបាទស៊ីសុវត្ថិ ក្នុងការពឹងបារាំងឲ្យជួយទាម​ទារខេត្តសៀមរាប បាត់ដំបង និង​សិរីសោភ័ណ្ឌ ដែលសៀមបានរំលោភយក ឲ្យ​មក​ស្ថិត​នៅ​ក្រោមការគ្រប់គ្រង​របស់​ព្រះមហាក្សត្រខ្មែរ​វិញ​ ខាងក្រោមនេះជាអត្ថន័យខ្លះៗផ្នែកខាងឆ្វេងនៃស្តូបរូបសំណាក់ព្រះបាទស៊ីសុវត្ថិៈ យើងមើរ៍ទៅលើបង្អស់ផ្នែក​ខាង​ឆ្វេងនៃ​ផ្ទាំង​រូបសំណាក​នេះមាន​​សរសេរ​អក្សរ​បារាំង​ពីរ​តួ RF ដែលមានន័យថា " Republique Francaise " ប្រែថា "សាធារណរដ្ឋបារាំង" ។ នៅ​ពី​លើ​តួអក្សរ​នេះ​ មាន​ចុង​ដង​ទង់ជាតិ​​១តូច ​ធ្លាក់​ជា​រាង​ផ្កា​ម្លិះ វា​ជា​និមិត្ត​រូប​នៃ​រាជាធិបតេយ្យ​នៅ​ប្រទេសបារាំង (ផ្កាស និង បៃតង) ។ ភ្ជាប់​នឹង​​ដង​នេះ គឺ​ជា​ទង់ជាតិ​នៃប្រទេសបារាំង​មាន​ ពណ៌‌​ខៀវ ស ក្រហម ​ត្រូវ​បាន​ពលថ្មើរ​​ជើង​ម្នាក់កំពុង​ឈរ​វន្ទនាការ ដោយដៃ​ស្តាំ​កាន់​​កាំ​ភ្លើង​បឈ្ឈរ​ស្រប​នឹង​ជើ​ង និង​ដៃ​ធ្វេង​ទាញ​ទង់ជាតិ​នោះ​ឲ្យ​លាត​សន្ធឹង​ពី​លើ​ ។ នៅ​ពី​លើ​ទង់​នេះ ​ជា​រូប​នាគ​ពណ៌‌​បៃតង​ និង​ខាង​ក្រោម​មាន​ផ្ទាំង​ថ្ម​រាងចតុកោណ​ចំនួន​៣ ត្រួត​ពី​លើ​គ្នា​លំអដោយ​ក្បាច់​បុរាណ​ខ្មែរ។ នៅ​ពី​លើ​ផ្ទាំង​ថ្ម​ មាន​ឆ្លាក់​អក្សរ​បារាំង​ថា “Traite Franco-Siamois du 15 Mars 1907 Battambang, Siemreap, Sisophon” ប្រែ​ជា​ខ្មែរ​ថា សន្ធិសញ្ញា​បារាំង​សៀម ចុះ​ថ្ងៃ​ទី១៥ មីនា ឆ្នាំ១៩០៧ ខេត្តបាត់ដំបង សៀមរាប ស៊ីសុផុន ខាង​ក្រោម​អក្សរចារឹកនេះ ​មាន​រូបសំណាក​ជនជាតិបារាំង​ឈ្មោះ ដូរូហ្ស៊ូ ដឺ គុលហ្សង់ ដែល​​ជា​កុងស៊ុល​ប្រចាំ​នៅខេត្តបាត់ដំបង នា​ឆ្នាំ១៩០៣ (តាម​ឯកសារ​លោក តូច ឈួង)។ (ប្រភពៈ វីគីភីឌា)