ប្រាសាទទូទៅផ្គុំចេញពីដុំថ្មជាច្រើន ប៉ុន្តែប្រាសាទនេះឆ្លាក់ចេញពីថ្មតែមួយដុំប៉ុណ្ណោះ

Kailasa គឺជាប្រាសាទបុរាណ​ដ៏ល្បីល្បាញ​មួយ​របស់​ឥណ្ឌ ដែលវាស្ថិតនៅក្នុងរដ្ឋ Maharashtra តំបន់ Ellora ។  ប្រាសទបុរាណមួយនេះគឺសាងសង់ដោយការចោះថ្មភ្នំដ៏ធំមួយដុំដែលមានជម្រៅចូលទៅក្នុង (បណ្ដោយ) ជិត ៥០ ម៉ែត្រ ទទឹងជាង ៣៤ ម៉ែត្រ ហើយ កំពស់ប្រមាណ ៣០ ម៉ែត្រ ដែលធ្វើឲ្យវាក្លាយទៅជាប្រាសាទដែលកសាងដោយការចោះថ្មធំបំផុតក្នុងលោក។ ប្រាសាទមួយនេះត្រូវបានសាងសង់ឡើងក្នុងបែបផែននៃព្រហ្មញសាសនា ជាពិសេសគឺឧទ្ទិសដល់ព្រះ​សិវៈ។