យុវជនជំទង់ម្នាក់បើករថយន្តធ្លាក់រណ្ដៅដីស្រុតក្រោយពីមានភ្លៀងធ្លាក់យ៉ាងជោគជាំ

ដោយ ： តុង យុវជនជំទង់ម្នាក់បើករថយន្តធ្លាក់រណ្ដៅដីស្រុតក្រោយពីមានភ្លៀងធ្លាក់យ៉ាងជោគជាំ អ្នកបើកបរអាយុ១៦ឆ្នាំម្នាក់នៅក្នុងរដ្ឋ មីននេសូតា ត្រូវឡើងរកច្រកចេញតាមកញ្ចក់ក្រោយរថយន្ដរបស់ខ្កួន ក្រោយពីគាត់បើករថយន្ដធ្លាក់ចូលរណ្ដៅដីស្រុតក្រោយពីមានភ្លៀងធ្លាក់យ៉ាងជោគជាំ ។  ទូរទស្សន៍WCCO បានរាយការណ៍ថា រណ្ដៅដីស្រុតនេះបានកើតមានក្រោយពីបង្ហូរទឹកក្រោមផ្លូវត្រូវបានបំផ្លាញ ។ អ្នកបើកបររូបនេះព៉ំមានរងរបួសពីគ្រោះឧប្បត្តិហេតុនេះឡើយ ។ យាយរបស់អ្នកបើកបររូបនេះឈ្មោះ ខេនដេនស៍ លេផូលដ៍ និយាយថា ចៅប្រុសលោកយាយបានទទួលប័ណ្ណបើកបរកាលពីខែមុន ហើយទើបតែមានរថយន្តផ្ទាល់ខ្លួនកាលពីប៉ុន្មានសប្ដាហ៍ថ្មីៗនេះទេ ។  លោកយាយបានអោយដឹងបន្ថែមថាចៅប្រុសរូបនេះទៅធ្វើការនៅកសិដ្ឋានមួយកន្លែងក្បែរទីក្រុង រេដវូដ ហ្វល ដែលមានចំងាយប្រហែល១៨៥គីឡូម៉ែត្រភាគខាងលិចស្រុក មីនៀប៉ូលីស ។ នៅព៉ំទាន់ដឹងច្បាស់អំពីទំហំខូចខាតលើរថយន្ថនេះទេ ៕