ក្រុមអ្នកគាំទ្រប្រមូលផ្តុំតវ៉ាឲ្យមានការដោះលែង លោក Luiz Inacio Lula da Silva

ដោយ : តុង ក្រុមអ្នកគាំទ្រប្រមូលផ្តុំតវ៉ាឲ្យមានការដោះលែង លោក Luiz Inacio Lula da Silva ក្រុមអ្នកគាំទ្រអតីតប្រធានាធិបតីអ៊ីតាលី លោក Luiz Inacio Lula da Silva បានបញ្ចេញកំហឹងកាលពីថ្ងៃច័ន្ទ ក្រោយពីសាលា ឧទ្ធរណ៍បង្គាប់បន្តឃុំខ្លួន លោក Luiz Inacio Lula da Silva។  ពួកគេបានប្រមូលផ្តុំគ្នានៅក្រៅទីស្នាក់ការកណ្តាលប៉ូលីសសហព័ន្ធ ជាទីដែល លោក Luiz Inacio Lula da Silva កំពុងជាប់ឃុំ នាភាគអគ្នេយ៍នៃទីក្រុង Curitiba កាលពីថ្ងៃច័ន្ទ ដោយស្រែកថា អរុណសួរស្តី លោក Lula និងស្រែកទាមទារឲ្យលោកមានសេរី ភាពឡើងវិញ។ ការប្រមូលផ្តុំគ្នាតវ៉ានេះបានធ្វើឡើងក្រោយពីចៅក្រមជជុំនំជម្រៈនៅតុលាការថ្នាក់ទី៤ក្នុងតំបន់បង្គាប់ឲ្យដោះលែង លោក Lula កាលពីព្រឹកថ្ងៃអាទិត្យ។  ក្រោយមកនៅថ្ងៃដដែលមានភាពចម្រូងចម្រាសផ្ទុះឡើង ដោយសារតែចៅក្រមផ្សេងទៀតបដិសេធមិនធ្វើតាមសេចក្តីបង្គាប់នេះ ដោយកាលពីយប់ថ្ងៃអាទិត្យ ចៅក្រមជុំនំជម្រៈ Carlos Eduardo Thompson Flores Lenz បានបង្គាប់ឲ្យបន្តឃុំខ្លួនលោក Lula ។ លោក Lula បាននិងកំពុងអនុវត្តទោសក្នុបទពុករលួយចាប់តាំងពីសវនាការកាត់ទោសកាលពីខែមេសាមកម្ល៉េះ ប៉ុន្តែទោះជាយ៉ាង ណា លោកបដិសេធមិនទទួលកំហុសឡើយ។  ភាពចម្រូងចម្រាសនេះបានក្លាយជាវិវាទសវនាការនៅក្នុងប្រទេសប្រេស៊ីល ដោយអ្នកខ្លះមើលឃើញថា នេះជាសញ្ញាបង្ហាញថា គ្មាននរណាម្នាក់អាចអង្គុយលើច្បាប់បានទេ ហើយអ្នកខ្លះទៀតមើលឃើញថា ការចោទប្រកាន់ទាំងនោះត្រូវបានប្រឌិតឡើងដើម្បី រារាំងមិនឲ្យ លោក Lula ឈរឈ្មោះប្រជែងតំណែងប្រធានាធិបតីឡើងវិញ៕