ប្រជាជនអាហ្សង់ទីនបាតុកម្មប្រឆាំងការផ្តល់អំណាចទាហានក្នុងបញ្ហាសន្តិសុខផ្ទៃក្នុង

ដោយ : តុង ប្រជាជនអាហ្សង់ទីនបាតុកម្មប្រឆាំងការផ្តល់អំណាចទាហានក្នុងបញ្ហាសន្តិសុខផ្ទៃក្នុង កាលពីថ្ងៃព្រហស្បតិ៍ ក្រុមបាតុករបានប្រមូលផ្តុំគ្នានៅទីក្រុង Buenos Aires ដើម្បីដង្ហែក្បួនប្រឆាំងនឹងការប្រកាសកាលពីពេលថ្មីៗនេះរបស់ប្រធានាធិបតី លោក Mauricio Macri ដែលលើកលែងការហាមឃាត់លើការលូកដៃរបស់ទាហានក្នុងបញ្ហាសន្តិសុខផ្ទៃ ក្នុង។  ថ្វីបើអាកាសធាតុមិនអំណោយផលក៏ដោយ បាតុករជាច្រើននាក់ ដែលតំណាងឲ្យអង្គការនយោបាយនិងសិទ្ធមនុស្សជាច្រើននាក់ បានធ្វើបាតុកម្មអស់រយៈពេលជាច្រើនម៉ោងនៅមុខអគារក្រសួងការពារប្រទេស។  បាតុកម្មនេះបានផ្ទុះឡើងក្រោយពី លោក Macri ប្រកាសកាលពីថ្ងៃច័ន្ទថា លោកនឹងលើកលែងការហាមឃាត់មិនឲ្យទាហានពាក់ ព័ន្ធនឹងការប្រយុទ្ធប្រឆាំងបទឧក្រិដ្ឋ ការគំរាមកំហែងភេរវកម្ម និងបញ្ហាសន្តិសុខផ្ទៃក្នុងផ្សេងៗទៀត។  ប្រធានាធិបតីអាហ្សង់ទីនរូបនេះបាននិយាយថា លោកនឹងកែសម្រួលច្បាប់ឆ្នាំ២០០៦ ដែលកំណត់អំណាចរបស់កងកម្លាំងប្រដាប់ អាវុធឲ្យត្រឹមតែការពារជាតិពីការឈ្លានពានពីប្រទេសដទៃប៉ុណ្ណោះនោះ៕