វេជ្ជបណ្ឌិតអាមេរិកព្រមានអំពីគ្រោះថ្នាក់បង្កឡើងដោយរលកកម្ដៅ

ដោយ ： តុង វេជ្ជបណ្ឌិតអាមេរិកព្រមានអំពីគ្រោះថ្នាក់បង្កឡើងដោយរលកកម្ដៅ វេជ្ជបណ្ឌិតមួយរូបមកពីមណ្ឌលសុខភាព រ៉ាស ក្នុងទីក្រុង ឈីកាហ្គោ បានលើកឡើងនូវរោគសញ្ញានៃជំងឺគាំងបេះដូងអាការខ្សោះខ្សោយដោយសារកំដៅ និងកម្មវិធីការពារខ្លួនលោកអ្នកនិងកូនៗរបស់លោកអ្នក ។  លោកស្រី វេជ្ជបណ្ឌិត សូប្យា អា សារី បាននិយាយថា ជំងឺដែលបង្កឡើងដោយកម្ដៅដូចជា ការដួលសន្លប់និងប្រកាច់អាចកើតឡើងបន្តិចម្ដងៗចំពោះអ្នកដែលស្ថិតក្រោមកម្ដៅក្ដៅខ្លាំង ។ សីតុណ្ហភាពចាប់ផ្ដើមក្ដៅខ្លាំងនៅភាគខាងកើតអាមេរិក ដោយឡើងដល់៣៤ដឺក្រេសង់ទីក្រាដនៅក្នុងទីក្រុងញូវយ៉កនិង៣៧ដឺក្រេនៅទីក្រុង ហ្វីឡាដេហ្វៀ ។  ក្រុមមន្រ្តីនៅទីក្រុង ញូវយ៉ក និយាយថា ប្រជាជនគួរតែមានការប្រុងប្រយ័ត្នទុកជាមុនបន្ថែមទៀតចំពោះសីតុណ្ហភាពក្ដៅខ្លាំងនិងសំណើម ដោយសារតែរលកកម្ដៅនៅបន្តមានក្នុងតំបន់នោះ ។ មណ្ឌលផ្ដល់ទឹកការពារកម្ដៅនៅបន្ដបើកទ្វាររហូតដល់ថ្ងៃទី ០៤ ខែកក្កដា ៕