history

វត្តភ្នំ​ គឺជា​បេះដូង​នៃ​ទីក្រុងភ្នំពេញ ដែល​ផ្តល់​ឈ្មោះ​ដល់​ទី​ក្រុង​នេះថាជាទីក្រុងភ្នំពេញ។ វត្តភ្នំមានកំពស់ប្រមាណ ២៧ម៉ែត្រ​ដែល​ត្រូវ​បាន​ស្ថាបនា​ឡើង​នៅ​ឆ្នាំ​១៣៧៣ និង​ជា​សំណង់សាសនា​ដែល​ទីដីដែលមាន​កំពស់​ខ្ពស់​ជាង​គេ​ក្នុង​ទីក្រុង​ភ្នំពេញ http://i65.tinypic.com/15s9eoh.jpg ពាក់ព័ន្ធនឹងប្រវត្តិទីក្រុងភ្នំពេញនេះ មាន​រឿង​ព្រេង​មួយ​តំណាល​ថា មាន​ស្រ្តី​មេមាយ​ម្នាក់​ឈ្មោះ ពេញ (យាយពេញ) ថ្ងៃ​មួយ​គាត់បាន​ដើរ​លេង​តាម​ដង​ ទន្លេមេគង្គ ក៏​បានប្រទះ​ឃើញ​ដើម​គគី​មួយដើម ​ដណ្តែត​ជិត​ច្រាំង​ទន្លេ គាត់​ក៏​បាន​ហៅ​អ្នក​ជិត​ខាង​មក​ជួយ​ទាញ​យក​ដើម​គគី​នោះ។ នៅ​ក្នុង​ដើម​គគី​នោះ គាត់​ក៏​បាន​រក​ឃើញ​ពុទ្ធដិ​មាករ​ដ៏​មាន​តំលៃ​ចំនួន​៤អង្គ។ ក្នុង​ឆ្នាំ ១៣៧២ គាត់​ក៏​នាំ​អ្នកស្រុក​ពូន​ជា​ភ្នំ និងសាង​សង់​វិហារ​មួយ​ដើម្បី​តម្កល់​ពុទ្ធបដិមាករទាំង​នោះ។ http://i66.tinypic.com/29xvsxc.jpg នៅ​ឆ្នាំ១៤៣៤ ព្រះបាទពញាយ៉ាតដែលជាព្រះមហាក្សត្រនាសម័យនោះ បាន​មក​ដល់​ទី​នេះ ហើយ​បាន​កសាង​ទីក្រុង​មួយ​ដោយ​យក​ឈ្មោះ​តាម​កន្លែង​នោះ។ នៅ​ក្នុង​បរិវេណ​វត្ត​ភ្នំ មាន​ចេតីយ៏​ធំ​មួយ​នៅ​ក្រោយ​ព្រះវិហារ ដែល​តំកល់​ព្រះធាតុ​របស់ ព្រះបាទ​ពញាយ៉ាត និង​ ចេតីយ៏​សំរាប់​តំកល់​ព្រះធាតុ​របស់​ព្រះញាតិវង្ស​ព្រះអង្គ។ នៅ​ក្នុង​ចេតីយ៏​នោះ នៅ​មាន​សល់​បដិមា​ព្រះពុទ្ធ​នៅ​សម័យ​អង្គរផង​ដែរ។ ចេតីយ៏ និងព្រះវិហារនៅ​វត្តភ្នំបាន​កសាង​ជាច្រើន​ដង គឺ​នៅ​ឆ្នាំ ១៤៣៤, ១៨០៦, ១៨៩៤ និង ឆ្នាំ ១៩២៦ ដែល​ពី​ម្តង​ទៅ​ម្តង​កាន់​តែ​ធ្វើ​ឲ្យ​វា​មាន​សំរស់​ប្រសើរ​ឡើងៗ។ហើយគួរអោយសោកស្តាយផងដែរ ដែលសម័យនោះដែលមិនមានសេសសល់រូបថតទុកមើល ក្រោមមកចាប់ពីឆ្នាំ១៨៦៣មកទើបបារាំងមកដាក់អាណានិគមន៍នៅស្រុកខ្មែរ ទើបមានសល់រូបថតខ្លះៗ។