*** ភូមិវប្បធម៌ ខេត្តសៀមរាប

      ភូមិវប្បធម៌គឺជាកូនភូមិគំរូមួយ ដែលមានសំណង់ ផ្ទះ និង អគារប្រវត្តិសាស្ត ទំនៀមទំម្លាប់របស់ប្រជាជនខ្មែរ និង ជីវភាពរបស់ជនជាតិទាំងអស់។ កន្លែងនេះមានទំហំ២១០.០០០ម៉ែត្រការ៉ ស្ថិតនៅក្នុងក្រុងសៀមរាប។ មានភូមិចំនួន១២ដែលតំណាងឱ្យវប្បធម៌ផ្សេងគ្នា និងចរិកលក្ខណៈ របស់ជនជាតិ១៩។ ភ្ញៀវទេសចរអាចរីករាយជាមួយនឹងការសំដែងរបាំអប្សរា និងរបាំរបស់ជនជាតិភាគតិចនៅកម្ពុជានិងអាចទស្សនាការសំដែងលើប្រពៃណីរៀបអាពាហ៍របស់ជនជាតិខ្មែរ។ នៅតាមភូមិនីមួយៗ អ្នកទេសចរណ៍ អាចមើលឃើញការបង្ហាញពីរបៀបឆ្លាក់លើថ្ម លើឈើ ដំគ្រឿងប្រាក់ និងឆ្នៃត្បូង។ នៅទីនោះក៏មានសារៈមន្ទីរក្រមួនដែលបង្ហាញពីរូបប្រវត្តិសាស្រ្តផ្សេងៗ តាំងពីរបៀបសាងសង់ប្រសាទអង្គរវត្ត ជីវភាពរស់នៅរបស់ជនជាតិខ្មែរនៅសម័យចេនឡា និងរូបតំណាងឱ្យមនុស្សដែលមានចារក្នុងប្រវត្តិសាស្រ្ត។ លើសពីនេះទៀត នៅទីនោះមានរូបគំរូ១/២០នៃផ្សារធំថ្មី ព្រះបរមរាជវាំងនៅភ្នំពេញ ភ្នំឧត្តុង្គ និង មានសំណង់ស្ថាបត្យកម្មនៃខ្ទមនិង ផ្ទះខ្មែរ ផ្ទះជនជាតិ វត្ត និងវិហារឥស្លាម។ ដំណើរកំសាន្តនៅភូមិវប្បធម៌ខ្មែរជាដំណើរទេសចរណ៍ដែលមិនអាចបំភ្លេចបាន៕