ទិដ្ឋភាពពិធីបើក និងបិទមហាសង្ត្រានឆ្នាំ២០១៩ នៅខេត្តកំពង់ស្ពឺ

             ពិធីបើក និងបិទមហាសង្ត្រានឆ្នាំ២០១៩ រយៈពេល៣ថ្ងៃ ១៤ ១៥ និង ១៦ នៅខេត្តកំពង់ស្ព ពិតជាប្លែករៀងរាល់ឆ្នាំ ក្នុងឱកាសបុណ្យចូលឆ្នាំថ្មីប្រពៃណីជាតិ ដោយសារេដ្ឋបាលខត្ត បានរៀ ចំខុសសព្វដង គឺយកផ្លែ ស្ពឺ មកតាំងលំអរ រោងវេទិកា សម្រាប់លេងល្បែងប្រជាប្រិយ៍របស់ខ្មែរ...ឱ្យប្រជាពលរដ្ឋចូលមកមកទស្សនា កំសាន្តលែង។ ក្នុងនោះដែរខាងក្រសួងព៌ត័មាន ផ្នែក ទ ទ ក បានចុះមកផ្តិតយករូបភាព និងធ្វើកិច្ចសម្ភាស៍ពីការអភិវឌ្ឍរបស់ ដោយអភិបាលខេត្ត មន្ទីរ អង្គភាព ពិសេសការទាក់ទងការគ្រប់គ្រងសំរាម ក្នុងរដូវបុណ្យចូលឆ្នាំថ្មី២០១៩ ដូចមានខាងក្រោម៖ ១./. ដើម្បីឱ្យការប្រារព្ធពិធីបុណ្យចូលឆ្នាំថ្មីប្រពៃណីជាតិ (សង្ក្រានឆ្នាំ២០១៩)នេះ​មានភាពអធិកអធម និងសប្បាយរីករាយ ស្របតាមទំនៀមទំលាប់ប្រពៃណីដ៏ថ្លៃថ្លារបស់ជាតិខ្មែរ និងដើម្បីធានាបាននូវផាសុខភាព អនាម័យល្អ នៅតាមដងផ្លូវនានា និងនៅតាមទីសាធារណៈ រដ្ឋបាលខេត្ត ក្រុងច្បារមន និងមន្ទីរបរិស្ថានខេត្ត បានត្រៀមលក្ខណៈដូចខាងក្រោម៖ - បំផុសចលនាដល់ គ្រប់មន្ទីរ​ អង្គភាពរដ្ឋ និងឯកជន នៅក្នុងខេត្តកំពង់ស្ពឺ រួមទាំងវត្តអារាម សាលារៀន រោងចក្រ សហគ្រាស​ អាជីវកម្ម និងលំនៅឋាន ឱ្យចូលរួមរៀបចំសំអាត អនាម័យបរិស្ថាន នៅតាមអង្គភាពទីសាធារណៈ និងនៅតាមដងផ្លូវ ជាពិសេស តុបតែងលម្អរភ្លើងពណ៌ សោភ័ណ្ឌភាព សម្រាប់ទទួលទេវតាឆ្នាំថ្មីនេះ។ - បានដាក់បែងចែកធុងសំរាមជាច្រើន នៅតាមទីសាធារណៈ សួនច្បារ សម្រាប់បងប្អូនប្រជាពលរដ្ឋមកទស្សនាកំសាន្ត ឱ្យ មានភាពងាយស្រួល ក្នុងការទុកដាក់ វេចខ្ចប់សំរាម សំណល់រឹង បានល្អ ដើម្បីក្រុមហ៊ុនសេវាអនាម័យដឹកជញ្ជូនយកទៅដាក់នៅទីលាន - មន្ទីរសហការជាមួយក្រុមហ៊ុនសេវាប្រមូលសំរាម វែង សេងហ្គ្រីន ក្រោមការដឹកនាំចង្អុលបង្ហាញពី ឯកឧត្តម អភិបាលនៃគណៈអភិបាលខេត្ត - ត្រៀមរថយន្តជាច្រើនគ្រឿងសំរាមដឹកជញ្ជូនសំរាម យកទៅដាក់នៅទីលាន - ទោះបុគ្គលិក កម្មករក្រមហ៊ុនត្រូវបានឈប់សំរាករយៈ៣ថ្ងៃក៏ដោយ ខាងក្រុមហ៊ុនប្រមូលសំរាម ក៏នៅបន្ថែមកំរៃ សម្រាប់អ្នកចូលរួមថ្ងៃសំរាក ជាច្រើននាក់ ក្នុងការប្រមូលសំរាមឱ្យពេលវេលាដែរ។ ២./.សំណូមពរ៖ - សូមឱ្យប្រជាពលរដ្ឋយើង ចូលរួមសំអាតអនាម័យ ទុកដាក់ និងវេចខ្ចប់សំរាម ឱ្យបានគ្រប់ៗគ្នា គឺយកទៅដាក់នៅក្នុងធុងសំរាម និងដាក់នៅទីតាំងណាមួយសមស្រប សម្រាប់ឱ្យក្រុមការងារយើងដឹកជញ្ជូនយកទៅដាក់នៅទីលានចាក់សំរាម។