@ ដំណើរកំសាន្តឥតព្រាងទុក

   រសៀលនេះទោះបីជា ពុំមែនថ្ងៃឈប់សំរាកក្តី ក៏ខ្ញុំឆ្លៀតសុំច្បាប់១ពេលល្ងាច ដើម្បីដើរកំសាន្ត លំហែរកាយ ជាមួយក្រុមគ្រួសារមិត្តភ័ក្រ ដោយគាត់បាននាំជិះរថយន្តមើលទិដ្ឋភាពទីក្រុង។ ឃើញថាភ្នំពេញឥឡូវខុសប្លែកច្រើន មានមនុស្សម្នាជាច្រើន ទោចក្រក្រយាន្តយន្ត រថយន្តគ្រប់ប្រភេទ គ្រប់ម៉ាកបើកបរលើផ្លូវខ្វាត់ខ្វែង។ បើក្រឡេកមើលតាមលំនៅឋានសង្ខាងផ្លូវវិញ មានហាងលក់ដូរគ្រប់ប្រភេទ។ បន្ទាប់មកក៏បានទៅដល់ហាង លក់ស៊ុប ហុយ ហុយ ក្បែរផ្សារឡាក់គី ខាងជើងព្រលានយន្តហោះភ្នំពេញ។ ពេលចូលដល់ហាងស៊ុប មានអារម្មណ៏ថាឯកកោទៅវិញ ដោយសារពុំមានប្រពន្ធ និងកូនៗរួមដំណើរជាមួយ។ ខ្ញុំសង្ឃឹមថា ពេលក្រោយនឹងនាំពួកគាត់ រួមដំណើរជាមួយដែរ។