ពិធី ចែកសម្ភារប្រើប្រាស់ក្នុងផ្ទះ ជូនកម្មករ កម្មការិនី២,០០០នាក់ ជាកាដូ​ថ្ងៃឆ្លងឆ្នាំ​

   (កំពង់ស្ពឺ)៖ អភិបាលខេត្តកំពង់ស្ពឺ លោក វ៉ី សំណាង នៅ​​រសៀលថ្ងៃទី២៥ ខែធ្នូ ឆ្នាំ២០១៨នេះ ​ចែកអំណោយជាសម្ភារប្រើប្រាស់ក្នុងផ្ទះជូនកម្មករ កម្មការិនី ប្រមាណ២,០០០នាក់ នៅរោងចក្រហីរូតា ដែលមានទីតាំងស្ថិតនៅឃុំវល្លិស ស្រុកសំរោងទង។ ក្នុងឱកាសនោះលោក វ៉ី សំណាង អភិបាលខេត្តកំពង់ស្ពឺ បានថ្លែងថា ដោយកត្តាសន្តិភាព និងដោយមានការយកចិត្តទុកដាក់ពីរាជរដ្ឋាភិបាលកម្ពុជា ក្រោមការដឹកនាំរបស់​សម្តេចតេជោ ហ៊ុន សែន ទើប​បងប្អូនកម្មករ កម្មាការិនី មានឱកាសបានជួបជុំគ្នាគ្រប់កម្មវិធីជាតិធំៗ និងបុណ្យអន្តរជាតិជាច្រើន​ផងដែរ។ លោកអភិបាលបន្តថា ដោយសារតែការអភិវឌ្ឍ​ និងមានសន្តិភាពពេញលេញបានធ្វើយើងទាំងអស់គ្នា មានការងារធ្វើទទួលបានផលកម្រៃបៀរវត្សន៍ខ្ពស់ រស់នៅដោយភាពសម្បូរសប្បាយ សុខដុមរម្យនា ជាការពិត​សព្វថ្ងៃមានសម្ភារពេញនិយមប្រើប្រាស់គ្រប់លំនៅដ្ឋាន កត្តានេះរាជរដ្ឋាភិបាលទាមទារចាំបាច់ ត្រូវកសាងបន្ថែមគ្រប់ហេដ្ឋារចនាសម័ន្ធ ដើម្បីតម្រូវការចាំបាច់ជូនពលរដ្ឋ៕ By Fresh News