អាជីវកម្មបែបភ្លើងចំបើង ទាំង 3 ប្រភេទ​នេះ ​អ្នកត្រូវប្រុងប្រយ័ត្ន ពេលរើសមករកសុី

  ឆ្នាំថ្មី ឆ្នាំ​២០១៩ ជិតមកដល់ហើយ ​សម្រាប់អ្នកមិនទាន់មុខរបររកសុី​ តើអ្នកគិតនឹង​រើសមុខរបរមួយណាមករកសុី? ​ដើម្បីជំនួយគំនិតដល់ទាំងអស់គ្នា​ក្នុងការជ្រើស​មុខរបរឲ្យបានល្អ ក្នុងការចេញរកសុី​ ខ្ញុំសូមបង្ហាញនូវមុខរបរ​៣ប្រភេទ ដែល​អ្នក​ត្រូវប្រុងយ័ត្នខ្ពស់ ​បើរើសមុខរបរទាំងនោះមករកសុី៖ ទី១​គឺ កន្លែងវេលុយ  នេះជាអាជីវកម្មបែបភ្លើងចំបើងទី១​ ដែលអ្នកគួរប្រុងប្រយ័ត្ន។​ តាមពិតទៅ​ អាជីវកម្ម​នេះបានកើតទ្បើង​ច្រើនឆ្នាំ​ណាស់មកហើយ ​តែអនាគតអាជីវកម្មនេះទៅមុខទៀត​គឺមិនឋិតថេរទ្បើយ ​មិនឋិតថេរ​ព្រោះ​ទាំងក្រុមហ៊ុន​ដែលផ្តល់សេវាកម្ម​វេលុយ ​និង​ធនាគារ​ជាច្រើន​បាន​កំពុងតែធ្វើទំនើបកម្ម​សេវាកម្ម​ហិរញ្ញវត្ថុ។​ដូចនេះអនាគតទៅ មនុស្ស​នឹងលែងទៅ​កន្លែងវេលុយទៀតហើយ​​ គេចុចតែនៅលើទូរស័ព្ទដៃប៉ុណ្ណោះ។ ទី២​គឺ ​ផ្សារកុងទ័រន័រ នេះជាប្រភេទអាជីវម្មបែបភ្លើងចំបើង​ដែលជួបនឹង​ប្រេងសាំង ​ពោលឆេះតែមួយភ្លែត ​ត្រូវឆេះអស់​ហើយ រលត់ទៅវិញលឿនណាស់។​​កាលពីប្រមាណមួយឆ្នាំមុន ​អាជីវកម្ម​ប្រភេទនេះមើលទៅទំនងណាស់​ព្រោះងាយស្រួលចាប់ផ្តើម​ជួលបានចំណូលច្រើន ​ងាយស្រួលសាងសង់​មិនចំណាយសាងសង់ច្រើន​ ហើយអាចចល័តបានទៀត។ តែយ៉ាងណា​ ដូច​លោកមហាសេដ្ឋី Jack Ma ​ធ្លាប់បានលើកទ្បើងមកហើយថា​អាជីវកម្ម​ណា​ដែលស្រួលក្នុងការបង្កើត ​ក៏ងាយស្រួលក្នុងការបិទទៅវិញដែរ។ ទី៣​គឺ ​ដីទ្បូត៍ រហូតដល់សព្វថ្ងៃនេះ​អាជីវកម្មមួយប្រភេទនេះកំពុងតែឆេះ​ស្ទើរគ្រប់ទីកន្លែង​ទៅហើយនៅកម្ពុជា ​​តែអនាគតនៃអាជីវកម្មមួយនេះ ក៏ជិតដល់ថ្ងៃទៅវិញដែរ។ ខ្ញុំគិតថា​មុខរបរមួយនេះបានផ្តល់ចំណូលយ៉ាងច្រើន ដល់អ្នកប្រកបមុខរបរនេះ​ហើយក៏បានជួយដល់មនុស្សចំណូលមធ្យម ដែលចង់បានដីសម្រាប់លំនៅដ្ឋាន​អាចមានឳកាសសម្រេចក្តីសមៃមួយនេះផងដែរ។ តែយ៉ាងណា ដីទ្បូត៍​ដែលកំពុងតែពុះនៅស្រុកខ្មែរ​ ជាទ្បូត៍ផ្ទះល្វែងភាគច្រើន​​ដែលមិនមែន​ជានិន្នាការ​របស់អ្នកចង់រស់នៅ ពេលអនាគតទ្បើយ។​ ដូចនេះមុខរបរ​នេះ​អាចដោះបញ្ហាមនុស្សរយះពេលខ្លីប៉ុណ្ណោះ ​ពេលប្រជាជនចំណូលខ្ពស់​ពួគគាត់មិនត្រូវការដីប្រភេទនោះទ្បើយ។ បើលោកអ្នកកំពុងពុះទ្បូត៍​លក់​ សូមនាំគ្នាច្នៃ​មុខរបរនេះ​ចេញពីដីទ្បូត៍ផ្ទះល្វែង ​​ទៅជា​ប្រភេទអចលនទ្រព្យ​ផ្សេងដែលមានគុណតម្លៃអាចដោះស្រាយបញ្ហាអនាគត​របស់មនុស្សវិញទើបប្រសើរ។​ចង់ដឹងពីមុខរបរល្អដែលអ្នកគួររើសមករកសុី​សូម​ចូលរៀនវគ្គខ្លី​ក្លាយជាសហគ្រិនឆ្នើមតាមក្តីស្រមៃ​​ដែលខ្ញុំនឹងធ្វើជារៀងរាល់ខែ​។ ​ទំនាក់ទំនងលោកសំបូរ​ 092/070 862 452៕ ប្រភព៖ business-Cambodia