ទិវាជាតិទីក្រុងស្អាតលើកទី៧ ឆ្នាំ២០១៩ ក្រោមប្រធានបទ «ទីក្រុងស្អាត៖ ទីក្រងផ្តល់ភាពកក់ក្តៅ»

     នៅព្រឹកថ្ងៃអង្គារ ០៧រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែកុម្ភៈ ឆ្នាំ២០១៩ មន្ទីរបរិស្ថានខេត្តកំពង់ស្ពឺ ដឹកនាំដោយខ្ញុំបាទ បាន សហការចូលរួមជាមួយមន្ទីរទេសចរណ៍ខេត្តកំពង់ស្ពឺ បានរៀបចំពិធីអបអរសាទរទិវាជាតិទីក្រុងស្អាតលើកទី៧ ឆ្នាំ២០១៩ ក្រោមប្រធានបទ «ទីក្រុងស្អាត៖ ទីក្រងផ្តល់ភាពកក់ក្តៅ» ស្ថិតក្រោមអធិបតីភាព ឯកឧត្តម អភិបាលនៃគណៈអភិបាលខេត្តកំពង់ស្ពឺ និងមានការចូលរួមពីមន្រ្តីរាជការគ្រប់ជាន់ថ្នាក់ បណ្តាលអង្គភាព មន្ទីរជុំវិញខេត្ត កងកម្លាំងប្រដាប់អាវុធទាំង៣ប្រភេទ សិស្សានុសិស្ស ក្រុមកាយរិទ្ធិ សសយកខេត្ត សិស្សកាកបាតក្រហម ព្រះសង្ឃ អាជីវករ និងនៅតាមគេហដ្ឋាន ទីផ្សារ វត្តអារាម ស្ថាប័នរដ្ឋ អង្គការ ក្នុងខេត្តក៍បាននាំគ្នាសំអាត អនាម័យ តាមទីតាំងរៀងៗខ្លួនផងដែរ។ សរុបការចូលរួមទូទាំងខេត្ត សរុបប្រមាណ ២៧០០នាក់ នៅសួនសម្តេចសង្ឃរាជ ជួន ណាត ក្រុងច្បារមន។